kashmirnama.net
نوازشریف کے بیٹے حسن نواز برطانیہ میں ٹیکس ڈیفالٹر قرار لندن(کشمیر نامہ نیوز)سابق وزیر اعظم نواز شریف کے صاحبزادے
20/03/2025
لندن(کشمیر نامہ نیوز)سابق وزیر اعظم نواز شریف کے صاحبزادے حسن نواز کو برطانیہ میں ٹیکس ڈیفالٹر قرار دیتے ہوئے ان پر 5.2 ملین پاونڈ کا جرمانہ عائد کر دیا گیا۔برطانوی حکومت کی تازہ فہرست میں حسن نواز کو ٹیکس ڈیفالٹر قرار دیا گیا ہے۔میڈیا رپورٹس کے مطابق حسن نواز نے 5 اپریل 2015 سے 6 اپریل 2016 تک تقریبا 9.4 ملین پاونڈ کا ٹیکس ادا نہیں کیا۔برطانوی ٹیکس اتھارٹی نے حسن نواز پر 5.2 ملین پاونڈ کا جرمانہ بھی عائد کر دیا، برطانوی حکومت نے حسن نواز کے خلاف تفصیلات سرکاری ویب سائٹ پر شیئر کر دیں۔قانونی ماہرین کا کہنا ہے کہ دیوالیہ ہونے کے باوجود حسن نواز پر عائد جرمانے کی وصولی کا امکان موجود ہے، برطانوی قوانین کے تحت ٹیکس چوری کے جرمانے دیوالیہ ہونے پر بھی معاف نہیں ہوتے۔اس حوالے سے حسن نواز کے قریبی قانونی ذرائع کا دعوی ہے کہ ریونیو کسٹم ڈپارٹمنٹ کے آج شائع شدہ اعداد و شمار پرانی کہانی ہے، حسن نواز نے کورٹ میں خود دیوالیہ ڈیکلیئر کیا تھا، پرانی کہانی کو ایک مرتبہ پھر دہرایا گیا ہے۔قانونی ذرائع کا کہنا ہے کہ معاملہ 10 سال پرانا ہے جب حسن نواز نے تمام ٹیکس جمع کر دیے تھے، تقریبا 6 برس بعد ایچ ایم آرسی نے اس وقت کے ٹیکسز پر انکوائری شروع کی، ایچ ایم آر سی کو قانونی طور پر انکوائری کرنی ہی نہیں چاہیے تھی۔حسن نواز کے قانونی ذرائع کا کہنا ہے کہ مخصوص وقت گزرنے کے بعد حسن نواز نے موقف اپنایا تھا کہ اب محکمہ ٹیکس کے ٹیکس طلبی کا مطالبہ درست نہیں، حسن نواز نے کورٹ میں دیوالیہ پن شو کرکے ایک اصولی موقف اپنایا تھا، حسن نواز کا دیوالیہ پن 29 اپریل 2025 کو ختم ہونا ہے
بھارت ہند انتہا پسندوں تنظیموں کی مغل شہنشاہ اورنگ زیب کے مقبرے تباہ کرنے کی دھمکی
11/03/2025
ممبئی(کشمیر نامہ نیوز) بھارتی ریاست مہاراشٹر کے علاقے چھترپتی سمبھاجی نگر میں مغل بادشاہ اورنگ زیب کے مقبرے کی سیکورٹی سخت کر دی گئی ہے۔ہندو انتہا پسندوں تنظیموں وشو ہندو پریشد (وی ایچ پی) اور بجرنگ دل نے مقبرے کو تباہ کرنے کی دھمکی دے رکھی ہیں۔ بھارتی میڈیاکے مطابق دھمکی کے پیش نظر ضلع پولیس حکام نے گزشتہ روز مقبرہ کا دورہ کیا اور صورتحال کا جائزہ لیا۔ مقبرے پر مقامی پولیس کے علاوہ سٹیٹ ریزرو پولیس فورس(ایس آر پی) کا ایک دستہ بھی تعینات کیا گیا ہے۔مقبرہ کی حفاظت کے لئے انسپکٹر سطح کے دو سینئر افسران 24 گھنٹے ڈیوٹی پر تعینات کئے گئے ہیں۔ مقبرہ کی طرف جانے والی سڑک پر دو مقامات پر ناکہ بندی کر دی گئی ہے اور دو فکس پوائنٹس بھی بنائے گئے ہیں۔ مقبرہ پر آنے والے ہر شخص کی تلاشی لی جارہی ہے اور پھر جانے کی اجازت دی جا رہی ہے۔ بھارتیہ جنتا پارٹی (بی جے پی) کے رکن پارلیمنٹ ادین راجے بھوسلے نے بھی چھترپتی سمبھاج نگر ضلع میں واقع اورنگ زیب کے مقبرے کو ہٹانے کا مطالبہ کیا ہے۔ فلم چھاوا کی ریلیز کے بعد مہاراشٹرا میں مغل شہنشاہ اورنگ زیب عالمگیر کا مقبرہ خطرے میں پڑ گیا ہے، جسے ہندو انتہا پسندوں سے محفوظ رکھنے کے لیے فوج تعینات کر دی گئی ہے۔ میڈیا کے مطابق بجرنگ دل نے اورنگ زیب کے مقبرے کو ہٹانے کا مطالبہ کر دیا ہے، جس سے مہاراشٹرا میں کشیدگی کا ماحول ہے۔ مہاراشٹرا حکومت نے حالات کو کنٹرول میں رکھنے کے لیے بعض رہنماوں پر پابندیاں بھی عائد کر دی ہیں اور خلدآباد میں واقع مقبرے پر ایس آر پی ایف کا ایک دستہ تعینات کر دیا ہے۔کانگریس نے مقبرے کو ہٹانے کی مخالفت کرتے ہوئے وشوا ہندو پریشد اور بجرنگ دل کو تنقید کا نشانہ بنایا۔
میرپور، چائے کی پتی کا خام مال پاکستانی مارکیٹوں میں غیرقانونی طور پر فرخت ہونے کا انکشاف
18/03/2025
میرپور(کشمیر نامہ نیوز)میرپور میں قائم چاے کی پتی تیار کرنے والی فیکٹریوں کے مالکان کی جانب سے ٹیکس فری زون سہولت کا ناجائز فائدہ اٹھانے اور اس کی آڑ میں فراڈ اور دھوکہ دہی کاایک بڑا اسکینڈل سامنے آیا ہے۔ہائی کورٹ آزادکشمیر نے چائے مافیا کی جانب سے محکمہ ان لینڈ ریونیو آزاد کشمیر کے خلاف دائر تمام رٹ پٹیشنز خارج کر دیں۔پاکستانی مارکیٹوں میں غیر قانونی طور پر 18 ارب روپے کا خام مال فروخت ہونے کا انکشاف۔ تفصیلات کے مطابق چائے پتی مافیا کا یہ اسکینڈل اس وقت سامنے آیا جب کسٹم انٹیلی جنس پاکستان نے ملک کی مختلف مارکیٹوں میں چائے کی پتی خام شکل میں فروخت ہوتے ہوئے پکڑی۔کسٹم انٹیلی جنس ادارے نے بیرون ملک سے درآمد ہونے والے پتی کے اس خام مال کے حوالے سے جب انکوائری کی تو پتہ چلا کہ یہ خام پتی میرپور آزادکشمیر میں قائم چائے بنانے والی فیکٹریوں کے مالکان کی ہے جو اسے اپنی فیکٹریوں میں تیاری کے عمل سے گزارے بغیر ہی خام شکل میں غیر قانونی طور پر مارکیٹ میں فروخت کر رہے ہیں واضع رہے کہ آزادکشمیر کے ضلع میرپور میں انڈسٹریل ایریا میں چائے کی پتی تیار کرنے والی پانچ فیکٹریاں قائم ہیں جن میں سلام فوڈ انڈسٹری پرائیویٹ لمیٹڈ، کے ایف فوڈ انڈسٹری پرائیویٹ لمیٹڈ، مرجینا ٹی پرائیویٹ لمیٹڈ، انقلاب انٹرپرائیزز پرائیویٹ لمیٹڈ،ایم آی آر پرائیویٹ انڈسٹری لمیٹڈ شامل ہیں جنہیں ٹیکس فری زون کی وجہ سے پانچ سال کی کے لیے سیلز اور انکم ٹیکس کی مکمل چھوٹ حاصل ہے۔کسٹم انٹیلی جنس ڈائریکٹوریٹ پاکستان نے میرپور آزادکشمیر کے پتی مافیا کے خلاف کاروائی کے بعد رپورٹ مرتب کی اور چیف سیکرٹری آزادکشمیر کو ایک لیٹر کے ذریعہ میرپور میں قائم چائے کی پتی تیار کرنے والی ان پانچوں فیکٹریوں کے غیر قانونی کاروبار سے آگاہ کرتے ہوئے نوٹس لینے کا کہا۔جس پر حکومت آزاد کشمیر نے ایک ہائی پروفائل جے آئی ٹی تشکیل دی جو انکم ٹیکس آئی ایس آئی اور ایم آئی کے نمائندوں پر مشتمل تھی انکوائری کمیٹی نے تمام فیکٹریوں میں جا کر مکمل چھان بین کی اور اپنی تفصیلی رپورٹ حکومت کو ارسال کر دی۔کسٹم انٹیلی جنس رپورٹ کے مطابق میرپور میں قائم ان پانچوں فیکٹریوں کے مالکان نے ایک سال میں غیر قانونی طور پر جو خام پتی ملک کے مختلف علاقوں میں فروخت کی اس سے مجموعی طور پر 18 ارب روپے کمائے جبکہ اس کے علاوہ ٹیکس فری زون کی سہولت کی وجہ سے کسٹم ڈیوٹی کی مد میں تقریبا 18 سے 20 کروڑ روپے کا فائدہ بھی اٹھایا۔دریں اثنا پتی مافیا نے جے آئی ٹی کی جانب سے انکوائری کے دوران اپنا دفاع کرنے میں ناکامی پر محکمہ ان لینڈ ریونیو اور انکوائری کمیٹی کی رپورٹ کے خلاف آزادکشمیر ہائی کورٹ میں پندرہ رٹ پٹیشنزز دائر کیں جو چند روز قبل ہائی کورٹ سے خارج ہو گی ہیں۔یہاں یہ امر قابل ذکر ہے کہ آزادکشمیر میں نئی فیکٹری لگانے والی کمپنیوں کو حکومت کی طرف سے پانچ سال ٹیکس کی مکمل چھوٹ حاصل ہوتی ہے جسکا مقصد پاکستانی اور مقامی سرمایہ کاروں کو یہاں صنعتیں قائم کرنے کی ترغیب دینا ہے تاکہ اس کے نتیجے میں ریاست کے اندر روزگار کے مواقع پیدا ہونے کے ساتھ ساتھ مقامی کاروبار کو فروغ حاصل ہو جبکہ پتی مافیا نے ٹیکس فری زون کا ناجائز فائدہ اٹھاتے ہوئے ریاست اور ریاستی عوام کی فلاح وبہبود کے بجائے شارٹ کٹ راستہ اختیار کرتے ہوئے اپنے ذاتی مفاد کو ترجیح دی۔
جعفر ایکسپریس ٹرین پر حملے کے پیچھے بھارت کا ہاتھ ہے،ترجمان دفتر خارجہ
14/03/2025
جعفر ایکسپریس ٹرین پر حملے کے پیچھے بھارت کا ہاتھ ہے،ترجمان دفتر خارجہ
اسلام آباد(کشمیر نامہ نیوز)دفتر خارجہ کے ترجمان شفقت علی خان نے کہا ہے کہ جعفر ایکسپریس ٹرین پر حملے کے پیچھے بھارت کا ہاتھ ہے، بھارت فوری طور پر کشمیری عوام پر جاری ظلم و جبر بند کرے اور کشمیری سیاسی جماعتوں پر عائد پابندیاں ہٹائے ۔ دفتر خارجہ کے ترجمان شفقت علی خان نے ہفتہ وار میڈیا بریفنگ میں کہا کہ بلوچستان کے ضلع بولان میں جعفر ایکسپریس پر حملہ بیرون ملک سے منصوبہ بنایا گیا تھا، جس میں دہشت گردوں کے افغانستان سے روابط کے شواہد بھی ملے ہیں۔ترجمان شفقت علی خان نے میڈیا کو ہفتہ وار بریفنگ میں کہا کہ پاکستان دہشت گردی کا شکار رہا ہے اور تخریب کار عناصر ہمیشہ ہماری سرحدوں کے باہر سے آتے ہیں، جعفر ایکسپریس پر حملے کی ٹریس شدہ کالز میں دہشت گردوں کے افغانستان سے رابطے سامنے آئے ہیں، جس پر افغان حکومت سے مطالبہ کیا گیا ہے کہ وہ اس حملے کے ذمہ داروں کے خلاف سخت کارروائی کرے اور پاکستان کے ساتھ مکمل تعاون کرے۔ ترجمان نے کہا کہ پاکستان سفارتی سطح پر دہشت گردی کے ایسے واقعات پر ہمیشہ تفصیلات متعلقہ ممالک سے شیئر کرتا رہا ہے، اور یہ سلسلہ مستقل جاری ہے۔ ہمارے کئی دوست ممالک نے جعفر ایکسپریس پر ہونے والی دہشت گردی کی مذمت کی ہے، اور پاکستان انسداد دہشت گردی کے لیے عالمی برادری کے ساتھ تعاون جاری رکھے گا،دہشتگردی کیخلاف ہماری پالیسی میں کوئی تبدیلی نہیں آئی۔انہوں نے کہا کہ یہ پروپیگنڈا ہو رہا ہے کہ پاکستان طورخم سرحد کو کھلنے نہیں دے رہا، ہم طورخم سرحد کو کھلا رکھنا چاہتے ہیں۔ افغانستان کی جانب سے پاکستانی سرحد کے اندر چوکی بنانے کی کوششیں کی جا رہی تھیں، ہم افغان حکام کو اجازت نہیں دیں گے کہ وہ کوئی بھی تعمیرات کریں۔بریفنگ میں نائب وزیراعظم اسحاق ڈار کے دورہ جدہ سے متعلق بھی بتایا گیا، جہاں انہوں نے فلسطین پر ہونے والے اجلاس میں شرکت کی اور پاکستان کے موقف سے عالمی برادری کو آگاہ کیا۔ ترجمان نے کہا کہ پاکستان اسرائیل کی جانب سے امدادی تنظیموں پر عائد کی گئی پابندیوں کی مذمت کرتا ہے اور اسے انسانی ہمدردی کے اصولوں کے خلاف قرار دیتا ہے۔ ترجمان نے مقبوضہ کشمیر میں بھارتی مظالم پر بھی شدید ردعمل دیتے ہوئے کہا کہ بھارت فوری طور پر کشمیری عوام پر جاری ظلم و جبر بند کرے، بھارتی حکام کی جانب دو کشمیری تنظیموں کو غیر قانونی قرار دینے کی مذمت کرتے ہیں، بھارت پر زور دیتے ہیں کہ کشمیری سیاسی جماعتوں پر عائد پابندیاں ہٹائے، بھارت نے عوامی ایکشن کمیٹی اور جموں و کشمیر اتحاد المسلمین کو پانچ سال کے لیے غیر قانونی ایسوسی ایشن قرار دیا ہے۔ترجمان دفتر خارجہ نے کہا کہ عوامی ایکشن کمیٹی کی قیادت ممتاز سیاسی اور مذہبی رہنما میر واعظ عمر فاروق کررہے ہیں جبکہ جموں و کشمیر اتحاد المسلمین کی بنیاد مولانا محمد عباس انصاری نے رکھی تھی، اس فیصلے سے کالعدم کشمیری سیاسی جماعتوں اور تنظیموں کی کل تعداد 16 ہو گئی ہے، سیاسی جماعتوں اور تنظیموں پر پابندی لگانا بھارتی حکام کے رویے کو ظاہر کرتا ہے۔انہوں نے اس بات کی بھی وضاحت کی کہ امریکہ کی جانب سے پاکستانیوں کے داخلے پر کسی قسم کی پابندی سے متعلق کوئی باضابطہ اطلاع نہیں ملی، اور یہ صرف قیاس آرائیاں ہیں جن پر ردعمل دینا مناسب نہیں۔ ترجمان دفتر خارجہ نے کہا کہ پاکستان میں دہشت گردی کی کارروائیوں کے پیچھے پاکستان مخالف قوتیں ہیں، جو خاص طور پر چین کی سرمایہ کاری اور سی پیک منصوبوں کو نشانہ بنانا چاہتی ہیں، لیکن پاکستان اپنے ترقیاتی منصوبوں کو کسی صورت متاثر نہیں ہونے دے گا۔ترجمان نے واضح کیا کہ یو ایس ایڈ کی اسکولوں کے لیے مختص رقوم کے دہشت گردی میں استعمال کے مبینہ الزامات بے بنیاد ہیں۔
سینٹرل جیل مظفرآباد میں قید نوجوان کی بھوک ہڑتال
14/03/2025
مظفرآباد(کشمیر نامہ نیوز)سینٹرل جیل مظفرآباد میں قید نوجوان کی منکوحہ اغواء پولیس کی جانب سے ملزمان کی عدم گرفتاری اور خاتون بازیاب نہ کرنے کے خلاف قیدی نے بھوک ہڑتال کر دی۔ہڑتال تیسرے روز بھی جاری رہی، حالت غیر ہونے لگی۔میرے داماد کو کچھ ہوا تو ذمہ دار حکومت پولیس اور انتظامیہ ہو گی۔بھوک ہڑتال کے باعث میرا قیدی داماد فیضان ظفر ولد ضرار خان کی حالت غیر ہو چکی ہے ۔میڈیا سے گفتگو کرتے ہوئے بیوہ محمد ساجد مسمات رفت کی دہائی۔تفصیلات کے مطابق کٹائی چناری ضلع جہلم ویلی کا رہائشی فیضان مظفر ولد ضرار خان جو کہ سینٹرل جیل مظفرآباد میں ایک کیس کے سلسلے میں پابند سلاسل ہے کی دو سال قبل مسمات رمشاء ولد ساجد ساکنہ مظفرآباد سے نکاح ہوا تھا جبکہ رمشاء کی والدہ کے میکے سے اس نکاح کے بعد رشتہ آیا خاتون رفت نے بتایا کہ اس کی بیٹی کا نکاح شریعت محمدی کے مطابق پہلے سے ہی ہو چکا ہے لہذا رشتے سے انکار کر دیا مگر عثمان ولد خالداور اس کے والد خالد دیگر رشتہ داروں اصرار،دوستوں فیضان اور حماد چچا طارق،ماں روبینہ ساکنان چٹہ بٹہ مانسہرہ سب نے جاتے ہوئے دھمکی دی کہ ہم لڑکی نکاح کے بغیر بھی لے کر جا سکتے ہیں اور وہ میری بیٹی کو کچھ عرصہ بعد میری عدم موجودگی میں گھر سے اٹھا کر لے گئے اور اطلاع ملی ہے کہ نکاح پر نکاح کر لیا ہے تھانہ سٹی میں واقع کے خلاف درخواست دی ایف آئی آر بھی درج ہوئی مگر پولیس ملزمان کو گرفتار کرنے میں تاحال ناکام ہے پولیس کی روایتی بے حسی اور عدم دلچسپی کی وجہ سے بااثر ملزمان کو پولیس گرفتار کرنے سے گریزاں ہے اور میری بیٹی کے زندہ یا مردہ ہونے کا کوئی علم نہیں۔اسی پریشانی میں میرے داماد فیضان جو کہ ایک سال سے سینٹرل جیل میں قید ہے نے بھوک ہڑتال کر دی ہے کیونکہ اس کی منکوحہ کو بازیاب نہیں کروایا جاسکا۔دو ماہ ہمارے کرب میں گزر رہے ہیں جبکہ جیل میں داماد کی حالت غیر ہو چکی ہے جو کسی بھی وقت جان کی بازی ہار سکتا ہے فیضان نے مطالبہ کیا ہے کہ اس کی منکوحہ کو فوری بازیاب کروا کر ملزمان کو گرفتار کیا جائے اور ان کے خلاف زنا ایکٹ کے تحت کارروائی کی جائے جنھوں نے غیر شرعی طور پر نکاح پر نکاح کیا ہے ۔
جہلم ویلی کے علاقہ سراں میں زخمی ہونے والا نوجوان زندگی کی بازی ہار گیا
08/03/2025
چناری (کشمیر نامہ نیوز)جہلم ویلی کے علاقہ سراں میں صرف پانچ ہزار کے لین دین کے تنازعہ پر حقیقی رشتہ دار، دو گروپوں کے درمیان تصادم،فائرنگ، میں زخمی ہونے والا نوجوان ایک ہفتہ تک ہسپتال میں زندگی اور موت کی کشمکش میں رہنے کے بعد زندگی کی بازی ہار گیا،علاقہ کی فضا سوگوار،ایک بار پھر دونوں گروپوں کے درمیان کشیدگی بڑھ گئی،جھگڑے کا مقدمہ قتل کے مقدمہ میں تبدیل ہو گیا۔تفصیلات کے مطابق پانچ مارچ کے روز جہلم ویلی کے علاقہ سراں میں صرف پانچ ہزار روپے کے لین دین کے تنازعہ پر راجہ صیاست،راجہ عابد پسران سائیں خان سکنہ سراں اور راجہ خورشید ولد رحمت اللہ سکنہ سراں کا آپس میں جھگڑا ہو گیا،اسی دوران راجہ عابد کا بیٹا مسمی شہیب عابد گولی لگنے کے نتیجہ میں زخمی ہو گیا،جسے فوری طور پر ڈسٹرکٹ ہیڈ کوارٹر ہسپتال ہٹیاں بالا منتقل کیا گیا ابتدائی طبعی امداد کے بعدتشویشناک حالت کے باعث زخمی نوجوان کو ڈاکٹرز نے سی ایم ایچ مظفرآباد ریفر کردیا تھا، ایک ہفتہ تک نوجوان زندگی اور موت کی کشمکش میں رہنے کے بعد زندگی کی بازی ہار گیا،یاد رہے کہ جاں بحق ہونے والے نوجوان کے مشتعل ورثاء نے مسمی خورشید سکنہ سراں کے رہائشی مکان کو آگ لگا کر جلا دیا تھا،مقامی پولیس نے دونوں اطراف سے دو الگ الگ مقدمات درج کر کے پانچ ملزمان گرفتار کر رکھے ہیں،اب نوجوان کی ہلاکت کے بعد درج ایف آئی آر قتل کے مقدمہ میں تبدیل ہو گئی ہے،مقتول کے تایا راجہ خالد،چاچا راجہ ریاست پسران سائیں مکان جلانے کے مبینہ الزام میں جبکہ مبینہ طور پر نوجوان راجہ شعیب کے قتل کے الزام میں راجہ خورشید،راجہ الطاف پسران رحمت اللہ اور راجہ صائم ولد راجہ خورشید سٹی تھانہ ہٹیاں بالا کی حوالات میں بند ہیں۔
بھمبر، محکمہ ایکسائز کا سیگریٹ فیکٹری کے گودام پر چھاپہ، کروڑوں کی مالیت کے سیگریٹ برآمد
11/03/2025
بھمبر، محکمہ ایکسائز کا سیگریٹ فیکٹری کے گودام پر چھاپہ، کروڑوں کی مالیت کے سیگریٹ برآمد
بھمبر(کشمیر نامہ نیوز)ترجمان انلینڈکیمطابق محکمہ ان لینڈساؤتھ زون کے ایکسائز سرکل بھمبر کی تگڑی کارروائی۔وطن تمباکو کمپنی برنالہ بھمبر کے کروڑوں کی مالیت کے غیر قانونی سگریٹ پکڑے گئے۔محکمہ ان لینڈ ریوینیو کے عملہ نے فیکٹری انتظامیہ کی جانب سے پرائیویٹ گاڑی میں غیر قانونی طور پر سگریٹ سمگل کرنے کی کوشش کو ناکام بنا دیا۔ فیکٹری انتظامیہ تیار مال کو بدوں ادائیگی فیڈرل اکسائزڈیوٹی و سیلز ٹیکس بھمبر سے باہر سمگل کرنا چاہتی تھی۔ محکمہ ان لینڈر یوینیو کی جانب سے فیکٹری ایریا کا تفصیلی سرچ آپریشن بھی کیا گیا۔فیکٹری کے عقب میں واقع خفیہ گودام سے کروڑوں مالیت کے غیر قانونی سگریٹ برآمد کر لیے گئے۔ محکمہ ان لینڈ ریوینیو بھمبر نے تمام مال قبضے میں لیکر تحت ضابطہ کارروائی شروع کر دی۔ ترجمان ان لینڈ ریوینیو کی جانب سے جاری کردہ تفصیلی پریس ریلیز کے مطابق آج مورخہ 10مارچ 2025ء کو محکمہ ان لینڈ ریوینیو کے ڈپٹی کمشنر، بھمبر محمد تنویر خالد کو باوثوق ذرائع سے اطلا ع ملی کہ وطن تمباکو کمپنی پرائیویٹ گاڑیوں میں غیر قانونی طور پر سگریٹ سمگل کرنے کا ارادہ رکھتی ہے۔ جس پر ڈپٹی کمشنر ان لینڈ ریوینیو، بھمبر نے فوری طور پر فیلڈ عملے کو متحرک کیا اورخود ریکی کرتے ہوئے ٹول و اکسائز چیک پوسٹ برنالہ پہنچ گئے۔ بوقت دن 12:15بجے پرائیویٹ گاڑ ی ٹویو ٹا کرولا کار برنگ سفیدپنجاب رجسٹریشن نمبر LED-6378A-18، جس پر فیکٹری مالکان سوار تھے، کو مشکوک جانتے ہوئے محکمہ ان لینڈ ریوینیو کے فیلڈ سٹاف نے روکا، جس پر گاڑی کو روکنے کی بجائے کار سوار واپس بھگا کرلے گئے جس پر ڈپٹی کمشنر ان لینڈ ریوینیو اور فیلڈ سٹاف کی طر ف سے گاڑی کا پیچھا کیا گیا جو واپس فیکٹری ایریا میں داخل ہو گئی۔ موقع پر گاڑی کی تلاشی لی گئی جس کے نتیجے میں گاڑی کی ڈگی سے 400ڈنڈے(80000) سگریٹ گولڈ مارک برانڈ20HL کے برآمد ہوئے، جن کو غیر قانونی طور پر پرائیویٹ گاڑی پربدوں ادائیگی ڈیوٹی و سیلز ٹیکس سمگل کیا جانا تھا۔ ترجمان کے مطابق اس تعداد پر مبلغ404,000/-روپے فیڈرل اکسائز ڈیوٹی عائد ہوتی ہے جبکہ سیلز ٹیکس مبلغ 78000/-روپے بنتا ہے۔ بعد ازاں ڈپٹی کمشنر ان لینڈ ریوینیو اور محکمانہ عملہ نے پوری فیکٹری ایریا کا تفصیلی سرچ آپریشن کیا جس کے نتیجے میں فیکٹری کے عقب میں واقع خفیہ گودام ٹریس ہوا جس میں گولڈ مارک برانڈ اور دیگر برانڈز پر مشتمل ہزار ہا جعلی سگریٹ پائے گئے جن کی تعداد 100کارٹن سے بھی زائد پر مشتمل ہے۔ جن کو غیر قانونی طور پر اور بدوں ادائیگی ڈیوٹی و مروجہ ٹیکسز ضلع بھمبر سے باہر سمگل کیا جانا تھا، لیکن محکمہ ان لینڈ ریونیو کی جامع اور موثر حکمت عملی کی بدولت اور فیلڈ سٹاف کی ہمہ وقت نگرانی کے باعث اس مذموم کوشش کو ناکام بنا دیا گیا۔محکمانہ عملہ ضبط شدہ تمام مال کی انوینٹریز تیار کر رہا ہے اور ایک اندازے کے مطابق ضبط شدہ سگریٹس کی مالیت کروڑوں روپے ہے اور ان پر لاگو ٹیکسز /ڈیوٹی وغیرہ بھی لاکھوں روپے میں بنتی ہے۔ ڈپٹی کمشنر ان لینڈ ریوینیو، بھمبر نے تمام مال اور اس غیر قانونی ترسیل میں استعمال ہونے والی گاڑی کو قبضے میں لیکر مزید قانونی کارروائی شروع کر دی ہے۔ محکمہ ان لینڈ ریونیو کے کمشنر سید انصر علی نے بھمبر سرکل کی اس تگڑی کارروائی پر سٹاف کی حوصلہ افزائی کرتے ہوئے ہدایات جاری کیں کہ ایسے قانون شکن عناصر کے خلاف گھیرا مزید تنگ کیا جائے، ٹ
یکس کی وصولی کو یقینی بنایا جائے اور ان کی حرکات و سکنات پر کڑی نظر رکھتے ہوئے مالیہ سرکار کو محفوظ کیا جائے۔
کمشنر میرپور ڈویژن نے پرائیویٹ مسلح گارڈز کے ساتھ شہر میں گھومنے پر پابندی عائد کر دی
11/03/2025
کمشنر میرپور ڈویژن نے پرائیویٹ مسلح گارڈز کے ساتھ شہر میں گھومنے پر پابندی عائد کر دی
میرپور (کشمیر نامہ نیوز)کمشنر میرپور ڈویژن چوہدری مختار حسین نے سول سوسائٹی کی طر ف سے غیر سرکاری و پرائیویٹ افرادجو بدوں اجازت اپنے ساتھ مسلح سیکورٹی گارڈ رکھ کرسرعام بازاروں میں گومتے ہیں کا نوٹس لیتے ہوئے ڈویژن بھر کی انتظامیہ اور پولیس کو ایک مکتوب کے ذریعے ہدایا ت دی ہے کہ امن و عامہ اور مفاد عامہ میں ایسے تمام غیرسرکاری افراد جو اپنے ساتھ پرائیویٹ سیکورٹی گارڈ رکھ کر بازاروں میں گھومتے ہیں کہ خلاف موثرقانونی کارروائی عمل میں لائے جائے۔چونکہ پرائیویٹ سیکورٹی گارڈز جب کسی دکان یا بازار میں اسلحہ سمیت جاتے ہیں تو عوام الناس میں خوف و ہراس پھیلتا ہے جس سے خریدو فروخت کا ماحول بھی متاثر ہوتا ہے اور سر عام مسلح گارڈ کی وجہ سے دہشت گردی کے واقعات جنم لینے کے بھی خدشات موجود ہوتے ہیں۔اس غیر قانونی صورتحال کا تدراک کر نا انتظامیہ و پولیس کی ذمہ داری ہے۔آئندہ کے لیے امن عامہ اورمفاد عامہ میں کوئی غیر سرکاری فرد پرائیویٹ گارڈ رکھ کرسرعام شہر میں گومنے کے خلاف قانونی کارروائی عمل میں لائی جائے تاکہ عام شہریوں،تاجروں،خواتین،بچے اور بوڑھوں کوعدم تحفظ کا احساس پیدا نہ ہو اورہر شہری اپنی معمول کی زندگی بھی آزادانہ طور پر جاری رکھ سکے۔
مسٹ یونیورسٹی میں ڈنگ ٹپاؤ پالیسی کے تحت کام چلایا جانے لگا
26/01/2025
میرپور۔25 فروری 2025۔میرپور یونیورسٹی آف سائنس اینڈ ٹیکنالوجی میں ڈنگ ٹپاؤ پالیسی سے کام چلا یاجارہا ہے۔ جسکے باعث یونیورسٹی کی تین اہم فیکلٹیز کا معیار تعلیم اور ان میں زیر تعلیم سینکڑوں طلبہ و طالبات بری طرح متاثر ہورہے ہیں۔ فیکلٹی آف میڈیکل اینڈ ہیلتھ سائنسز، فیکلٹی آف نیچرل اپلائیڈ سائنسز اور فیکلٹی آف سوشل اینڈ ہیومینٹی میں درجنوں پوسٹیں خالی پڑی ہیں۔ مگر یونیورسٹی انتظامیہ کفایت شعاری کے نام پر اور ڈنگ ٹپاؤ پالیسی کے تحت وزیٹر، کنٹریکٹ لم سم اور ایڈھاک لیکچرر کے ساتھ کام چلا رہی ہے۔ فیکلٹی آف میڈیکل اینڈ ہیلتھ سائنسز میں چھ کے قریب ڈیپارٹمنٹ ہیں جن میں مجموعی طور پر 25 سو کے قریب طلباء و طالبات تعلیم حاصل کر رہے ہیں اسی طرح فیکلٹی آف سوشل اینڈ ہیومینٹی میں لاء، ماس کمیونیکیشن انٹرنیشنل ریلیشن (IR) ہوم اکنامکس جیسے اہم ڈیپارٹمنٹ ہیں جبکہ فیکلٹی آف نیچرل اینڈ اپلائیڈسائنسز میں فزکس، ریاضی، کیمسٹری، ذوالوجی، بائیو ٹیکنالوجی، کمپیوٹر سائنس اور آئی ٹی ڈیپارٹمنٹ قائم ہیں۔ ان دو فیکلٹیز میں بھی سینکڑوں طلباء و طالبات زیر تعلیم ہیں اگرچہ تینوں فیکلٹیز میں دروتدریس کی حالت ایک قومی سطح کی جامعہ کے شایان شان نہیں۔ انٹرنیشنل ریلیشن (آئی آر) ڈیپارٹمنٹ میں اس وقت بلاسابقہ تقریباً تمام کے تمام لیکچررز یا تو وزیٹرز ہیں یا پھر کنٹریکٹ پر ہیں اور دلچسپ بات یہ ہے کہ ہیڈ آف ڈیپارٹمنٹ تک عارضی ہیں۔ اسی طرح اسی فیکلٹی کے ایک اہم ڈیپارٹمنٹ یعنی لاء ڈیپارٹمنٹ کی پاکستان بار کونسل سے محض اس لیے منظوری نہیں ہورہی تھی کیونکہ اس میں مستقل فیکلٹی ممبران اور لائبریری تک نہیں تھے بار کونسل کی ٹیم متعدد مرتبہ یہاں دورے کر چکی ہے مگر انکی مطلوبہ شرائط پر پورا نہ اترنے کے باعث کئی سالوں کے بعد بڑی مشکل سے لاء ڈیپارٹمنٹ کو پاکستان بار کونسل سے منظوری مل سکی۔میرپور یونیورسٹی آف سائنس اینڈ ٹیکنالوجی کی انتظامیہ کی کفایت شعاری کی اس عجیب و غریب پالیسی کے باعث جہاں ان تینوں فیکلٹیز کے درجن سے زائد ڈیپارٹمنٹ میں زیر تعلیم سینکڑوں طلبہ و طالبات کے درس و تدریس کا عمل بری طرح متاثر ہورہا ہے وہیں ان ڈیپارٹمنٹس میں بطور وزیٹر یا کنٹریکٹ لیکچر اپنی خدمات سرانجام دینے والے اساتذہ کے قیمتی سال بھی ضائع ہورہے ہیں۔
میرپور میں گرفتار نوسرباز خاتون کے بارے میں اہم انکشافات سامنے آئے ہیں
24/01/2025
میرپور۔23 فروری 2025۔گذشتہ روز تھانہ سٹی میرپور پولیس کی طرف سے گرفتار کی گئی خاتون جس نے پولیس ابتدائی طور پر اپنے چھ سے سات نام اور اپنی رہائش کے حوالے سے بتایا تھا اس میں کافی حد تک تضاد بیانی پائی جاتی تھی خاتون نے آخری اور حتمی نام کوکو جان ظاہر کیا تھا اور اس کا کہنا تھا کہ وہ ژوب بلوچستان کی رہائشی اور عارضی طور پر اسلام پورہ مشین محلہ جہلم رہ رہی ہے خاتون کی طرف سے اپنی معلومات جھوٹ کا پلندہ نکلی ہیں انسپکٹر جنرل پولیس پنجاب اور ایس ایس پی پشاور نے بھی ایس ایس پی میرپور خاور علی شوکت اور ایس ایچ او میرپور سٹی سے رابطہ کیا ہے خاتون کا اصل نام شازیہ یونس عرف ڈاکٹر نرگس اور شناختی کارڈ کا بیک پرت بھی ٹمپر ہے جس پر درج رہائش بھی مشکوک ہے اس خاتون کے خلاف پنجاب پولیس اور کے پی کے پولیس کے پاس چھ سے زائد قتل کے مقدمات درج ہیں خاوند پنجاب پولیس میں اے ایس آئی ہے اس کے خلاف پنجاب پولیس اشتہار شور غوغا شائع کروا رکھا ہے جس کا طریقہ واردات یہ رہا ہے کہ کسی ٹول پلازہ یا کسی مصروف جگہ پر کھڑی ہو کر اپنی گاڑی خراب ہونے کا بہانہ بناتی کسی کے سامنے اپنے آپ کو جج ڈاکٹر ظاہر کرتی اور جب لفٹ حاصل کر لیتی تو اس کے فورا بعد وہ چکنی چپڑی باتوں سے بندے کو شکار بناتی پولیس تھانہ سٹی میرپور کی طرف سے گرفتاری پر کے پی کے پولیس نے میرپور پولیس اور معاونین پولیس کی حوصلہ افزائی بھی کرنا چاہتی ہے جرم کی دنیا کی اس بے تاج بادشاہ کو میرپور تک رسائی دینے والوں کے چہرے بھی سامنے انے شروع ہو گئے ہیں ڈی آئی جی میرپور پولیس ڈاکٹر لیاقت علی ایس ایس پی خاور علی شوکت اس اہم کیس کی خود نگرانی کر رہے ہیں اور متاثرہ افراد کے مقدمات جو ان کے اپنے علاقوں میں درج ہیں وہاں کی پولیس میرپور پولیس سے رابطہ کر رہی ہے جرم کی بے تاج ملکہ جو اشتہار ی ہونے کے باوجود دوسرے لوگوں کے شناختی استعمال کر تی رہی ہے خاتون اور اس کے خاندان کا ملکیتی مکان نمبر 2437محلہ ندیم آباد گڑھی ڈھوک چراغ دین راولپنڈی ہے جو اشتہاری ہونے پر اشتہار شور غوغا جاری ہوا خاتون کا خاوند آکی منڈی بہاول دین کا سکونتی ہے
میرپور، رکشہ ڈرائیور کے قتل کے الزام میں بیوی بھی گرفتار، اہم انکشافات
23/01/2025
میرپور۔22 فروری 2025۔تھانہ افضل پورکی حدود میں چند روز قبل رکشہ ڈرائیور یاسر کے قتل کے واقعے میں مقتول کی بیوی بھی ملوث نکلی۔ پولیس نے مقتول رکشہ ڈرائیور کی بیوی کو بھی گرفتار کر لیا۔ تفصیلات کے مطابق تھانہ افضل پور پولیس نے اپنی حدود میں چند روز قبل قتل ہونے والے رکشہ ڈرائیور یاسر کی بیوی لاریب کو بھی گرفتار کر لیا ہے۔ رکشہ ڈرائیور کے قتل کے الزام میں لاریب کو شکریلہ کے گاؤں معصوم پور سے حراست میں لیا گیا ہے جہاں وہ اپنے خاوند کے قتل کے بعد اپنے سسرال رہ رہی تھی۔ یادرہے کہ رکشہ ڈرائیور یاسر کو چند روز قبل پلیالہ روڈ پرسائیں اختر کی دربار کے قریب نامعلوم شخص نے فائرنگ کر کے قتل کر دیا تھا۔ واقعے کے وقت مقتول کی بیوی لاریب بھی اپنے خاوند کے ہمراہ رکشے میں موجود تھی تاہم واقعے کے بعد مقتول کی بیوی نے پولیس کو بتایا تھا کہ ایک نامعلوم شخص نے راستہ روک کر میرے خاوند پرفائرنگ کر کے قتل کر دیا ہے۔پولیس تھانہ افضل پور کے ایس ایچ او ارشد محمود نے 20فروری کو مظفرآباد کے ضلع ہٹیاں بالا کے تھانہ سٹی میں واقعہ گاؤں دھنی شاہدرہ میں کامیاب کارروائی کرتے ہوئے رکشہ ڈرائیور کے قاتل مرکزی ملزم بلال سعید کو گرفتار کرکے اسے میرپور لے آئے۔ دوران تفتیش ملزم کے انکشافات کے بعد گذشتہ روز پولیس نے رکشہ ڈرائیور کے قتل کے الزام میں مقتول کی بیوہ کو بھی گرفتار کیا ہے۔ معلوم ہوا ہے کہ ملزم بلال سعید اور مقتول رکشہ ڈرائیور کی بیوی کے درمیان تعلقات استوار تھے اور مبینہ طور پر دونوں شادی کرنا چاہتے تھے جسکے لیے دونوں نے مل کر مقتول کو راستے سے ہٹانے کی کوشش کی۔
چہرے کی شناخت سے تصدیقی نظام متعارف کرائیں گے ترجمان نادرا
21/01/2025
اسلام آباد۔19 فروری 2025۔ترجمان نیشنل ڈیٹابیس اینڈ رجسٹریشن اتھارٹی(نادرا) نے کہا ہے کہ نادرا ، اسٹیٹ بینک اور پی ٹی اے کے ساتھ مل کر چہرے کی شناخت سے تصدیقی نظام متعارف کرا رہا ہے۔ منظوری کی کارروائی مکمل ہوتے ہی نادرا یہ سہولت تمام بینکوں اور ٹیلی کام اداروں کو فراہم کردیگا۔ ترجمان کے مطابق شہریوں کو بائیومیٹرک تصدیق میں پیش آنے والے مسائل نادرا کی وجہ سے نہیں ۔ترجمان نادرا کے مطابق ویریسس سافٹ ویئر سے شناخت کی تصدیق کی سہولت تمام بینکوں اور مالیاتی اداروں کے پاس موجود ہے۔ بینک اور مالیاتی ادارے ضرورت پڑنے پر نادرا کی اس سہولت سے فائدہ اٹھا سکتے ہیں۔۔ پی ٹی اے نے موبائل کمپنیزکے ساتھ مل کرنادرا کی مدد سے تصدیق کا نظام وضع کیا ہوا ہے۔ شہری موبائل کمپنیزکسٹمر سروسزسینٹریا منتخب فرنچائزیزپرتصدیقی سہولت حاصل کرسکتے ہیں۔ موبائل صارفین کسی بھی مسئلے کی صورت میں پی ٹی اے کو شکایت کر سکتے ہیں۔ نادرا ۔ اسٹیٹ بینک اور پی ٹی اے کے ساتھ مل کر چہرے کی شناخت سے تصدیقی نظام متعارف کرا رہا ہے۔ منظوری کی کارروائی مکمل ہوتے ہی نادرا یہ سہولت تمام بینکوں اور ٹیلی کام اداروں کو فراہم کردیگا۔ نادرا کا نظام بھرپور طریقے سے کام کر رہا ہے اور مکمل طور پر محفوظ ہے۔
آزادکشمیر ہائی کورٹ نے ممبران اسمبلی کو بلدیاتی فنڈز کے استعمال سے روک دیا
21/01/2025
مظفرآباد۔19 فروری 2025۔آزاد کشمیر ہائی کورٹ نے قرار دیا ہے کہ آزاد کشمیر میں بلدیات کے لیے مختص فنڈز ممبران آزاد کشمیر قانون ساز اسمبلی کے زرےعے استعمال نہیں کیے جا سکتے ا ن فنڈز کا استعمال بلدیاتی نمائندوں کے زرےعے کیا جائے ، بدھ کے روز ہائی کورٹ نے بلدیاتی نمائندگان کے موقف کو تسلیم کرتے ہوئے قرار دیا کہ بلدیات کے فنڈز بلدیاتی نمائندگان کا حق ہے جو منتخب کونسلرز ذریعے ہی استعمال کئے جائیں، عدالت العالیہ کے ڈویژنل بینچ جسٹس سردار اعجاز خان جسٹس اور خالد رشید پر مشتمل تھا نے گذشتہ روز فیصلہ جاری کردیا، فہیم فاروق سردار شریف بنام آزاد حکومت رٹ پٹیشن میں بلدیاتی نمائندگان کی طرف سے سابق جسٹس ہائی کورٹ راجہ سجاد خان ایڈووکیٹ نے پیروی کی جبکہ حکومت کی طرف سے ایڈووکیٹ جنرل مسعود اقبال شیخ نے پیروی کی تھی عدالت نے اپنے جاری کردہ فیصلہ میں لوکل گورنمنٹ ایکٹ 1990 کو من عن عمل درآمد کرنے کا حکم صادر کردیا ہے عدالت نے قرار دیا ہے کہ بلدیاتی فنڈز ممبران قانون ساز اسمبلی کے ذریعے خرچ نہیں کئے جاسکتے ہیں بلکہ لوکل گورنمنٹ ڈیپارٹمنٹ کئے مختص فنڈز کا استعمال بلدیاتی نمائندگان کے ذریعے کیا جاسکتا ہے انکے ذریعے ہی استعمال کیا جائے ڈویژنل بینچ نے کمرہ عدالت میں آکر فیصلہ سنایا تو وکلائ بلدیاتی نمائندگان کی ایک بڑی تعداد موجود تھی عدالت کے فیصلہ آنے پر بلدیاتی نمائندگان میں خوشی کی لہر دوڑ گئی اور جشن کا سماں ہے ایک دوسرے کو مبارکبادیں دیں مٹھائیاں بانٹیں عدالت العالیہ کے فیصلہ کو تاریخ ساز قرار رہتے ہوئے عوامی حق حکمرانی کی فتح قرار دیا ہے سابق جسٹس ہائی کورٹ راجہ سجاد خان ایڈووکیٹ کا کہنا تھا کہ آزاد کشمیر عدالت العالیہ کا فیصلہ بلدیاتی فنڈز سے کرپشن جعلی سکیموں لوٹ مار کے خاتمے کا آغاز ہے اب کاغذی سکیموں اربوں کے فنڈز ہڑپ کر جانے کے دور کا خاتمہ ہو جائے گا اور بلدیاتی نمائندگان کے ذریعے بلدیاتی فنڈز کا صحیح طریقہ سے استعمال ہوگا عدالت العالیہ نے ایک بڑا فیصلہ دیا ہے جو آزاد کشمیر میں حقیقی معنوں میں بنیادی جمہوریت کی بحالی کا روشن باب بن کر یاد رکھا جائے گا
مودی کے طیارے میں بم کی اطلاع؛ دھماکے سے اڑانے کی دھمکی
13/01/2025
نئی دہلی۔12فروری 2025۔بھارتی وزیراعظم نریندر مودی کے بیرون ملک روانگی سے قبل طیارے کو بم دھماکے سے اڑانے کی دھمکی پر سیکیورٹی پر مامور افسران کی دوڑیں لگ گئیں۔بھارتی میڈیا کے مطابق دھمکی آمیز فون کال ممبئی پولیس کو موصول ہوئی تھی جس میں کہا گیا تھا کہ امریکی دہشت گرد مودی کے طیارے کو دھماکے میں اڑا دیں گے۔کال کرنے والے نے مزید کہا تھا کہ یہ وہی دہشت گرد گروہ نے جس نے 6 ماہ قبل امریکا میں طیارے کو نشانہ بنایا تھا جس میں 6 افراد مارے گئے تھے۔دھمکی دینے والے شخص نے کہا کہ اسی گروپ نے طیارے میں بم رکھ دیا ہے اور اب مودی کو مرنے سے کوئی نہیں بچا سکتا۔دھمکی آمیز فون موصول ہونے پر ممبئی پولیس نے سیکیورٹی ایجنسیز کو مطلع کیا اور سیکیورٹی کلیئرنس تک طیارے کو پرواز سے روکا رکھا گیا۔بعد ازاں طیارے سے کچھ برآمد نہ ہونے پر پرواز کے لیے کلیئرنس دیدی گئی۔ادھر کالر نے اپنا فون بند کردیا جس کے باعث اس کی تلاش میں دشواری کا سامنا کرنا پڑا تاہم ایک عجیب انکشاف بھی ہوا۔تفتیش کے دوران پتا چلا کہ اس نمبر سے ماضی میں بھی پولیس کو 1400 سے زائد کالیں موصول ہوئی تھیں۔بعد ازاں پولیس ملزم کو گرفتار کرنے میں کامیاب ہوگئی جس کا ذہنی توازن درست نہیں ہے تاہم تفتیشی عمل مکمل ہونے تک اسے حراست میں رکھا جائے گا۔۔
بجلی کے نرخوں میں 1 روپے 23 پیسے فی یونٹ تک کمی
13/01/2025
اسلام آباد۔12فروری 2025۔ حکومت نے بجلی کے نرخوں میں 1 روپے 23 پیسے فی یونٹ تک کمی کردی۔ اس سلسلے میں جاری کیے گئے نوٹیفکیشن کے مطابق سرکاری تقیسم کار کمپنیوں( ڈسکوز) کے صارفین کیلیے فی یونٹ 1 روپے 22 پیسے جبکہ کے الیکٹرک صارفین کیلیے بجلی کی فی یونٹ قیمت میں 1 روپے 23 پیسے کی کمی کی گئی۔قیمتوں میں کمی ماہانہ فیول پرائس ایڈجسٹمنٹ کی مد میں کی گئی ہے، سرکاری ڈسکوز کے صارفین کیلیے ماہ دسمبر کے ایف سی اے کی مد میں جبکہ کے الیکٹرک صارفین کیلیے ماہ نومبر کے ایف سی اے کی مد میں بجلی سستی کی گئی ہے۔ نوٹیفکیشن کے مطابق ملک بھر کے بجلی صارفین کے لیے قیمت میں کمی کا اطلاق فروری کے بلوں پر ہوگا۔
کشمیر کی خاطر 3 جنگیں لڑچکے، 10 اور لڑنا پڑیں تو لڑیں گے: آرمی چیف جنرل عاصم منیر
06/01/2025
مظفر آباد05فروری 2025۔آرمی چیف جنرل عاصم منیر نے واضح کیا ہے کہ کشمیر کی خاطر 3 جنگیں لڑچکے، 10 اور لڑنا پڑیں تو لڑیں گے،کشمیر کل بھی پاکستان کا حصہ تھا آج بھی ہے اور آئندہ بھی رہیگا۔پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل سید عاصم منیر نے مظفر آباد کا دورہ کیا، آرمی چیف نے جموں و کشمیر یادگار شہدا پر حاضری دی، انہوں نے آزادی کشمیر اور دفاع وطن کے لیے جانیں قربان کرنے والے شہدا کو خراج عقیدت پیش کیا،مظفر آباد میں کشمیری عمائدین اور ویٹرنز سے خطاب کرتے ہوئے آرمی چیف کا کہنا تھا کہ کشمیر کا فیصلہ کسی غاصب فوج کو نہیں کشمیر کے عوام کو کرنا ہے،کشمیر اور پاکستان کا رشتہ لازم و ملزوم ہے۔آرمی چیف کا کہنا تھا کشمیر بنے گا پاکستان، کشمیر کل بھی اور آج بھی پاکستان کا حصہ تھا اور رہیگا، آزادی کی شمع کشمیریوں کی ایک پیڑھی دوسری پیڑھی کے سپرد کرتی چلی آ رہی ہے، اللہ تعالی نے کشمیر کی سر زمین کو قدرتی حسن اور وسائل سے نوازا ہے، آج،کل یا تھوڑے عرصے تک تو مقبوضہ کشمیرمیں زیادتی کرسکتے ہو مگر ہمیشہ نہیں۔آرمی چیف کا کہنا تھا کہ کشمیر کی خاطر تین جنگیں لڑی ہیں، دس اور لڑنی پڑیں تو ان شا اللہ لڑیں گے، اگر ہم متحد اور مضبوط رہیں تو ہم ہر مشکل کا سامنا کر سکتے ہیں۔ آئی ایس پی آر کے مطابق اس سے قبل آرمی چیف نے جموں و کشمیر یادگار شہدا پر حاضری دی، انہوں نے آزادی کشمیر اور دفاع وطن کے لیے جانیں قربان کرنے والے شہدا کو خراج عقیدت پیش کیا۔آرمی چیف جنرل سید عاصم منیر نے شہدا کوخراج عقیدت پیش کرتے ہوئے کشمیریوں کے غیرمتزلزل عزم کی تعریف کی۔اپنے دورے کے دوران آرمی چیف نے افسران اورجوانوں کے جذبے کو بھی سراہا، اور آرمی چیف نے مسلح افواج کی جنگی تیاریوں پر مکمل اعتماد کا اظہار کیا،آرمی چیف نے کہا کہ دشمن کی کسی بھی کارروائی کا مقابلہ کرنے کے لیے اعلی درجے کی جنگی تیاری برقرار رکھنا ضروری ہے۔ جنرل عاصم منیر نے مسلح افواج کی جنگی تیاری پر مکمل اعتماد کا اظہار کرتے ہوئے یقین دہانی کرائی کہ کسی بھی جارحیت کا بھر پور جواب دیا جائے گا۔ پاک فوج مکمل عزم اور ثابت قدمی کے ساتھ قوم کی حاکمیت اور سرحدی سالمیت کا دفاع کرے گی۔آرمی چیف نے کہا کہ بھارتی مظالم اور بڑھتی ہوئی ہندوتوا انتہا پسندی کشمیر کے عوام کی خود ارادیت کی جدوجہد کو مزید تقویت دیتی ہے۔ پاکستان ہمیشہ ریاستی جبر و ظلم کے خلاف کشمیر کے عوام کے جائز اور باحق مقصد کے ساتھ کھڑا رہے گا اور یقینا ایک دن کشمیر آزاد ہو کر، کشمیر کے عوام کی آزاد مرضی اور تقدیر کے مطابق پاکستان کا حصہ بن جائے گا۔ آرمی چیف نے قائداعظم محمد علی جناح کے اس فرمان کو دہرایا کہ کشمیر پاکستان کی شہ رگ ہے۔ انہوں نے مزید کہا کہ شہ رگ کو جسم سے کاٹنے کا مطلب زندگی کا خاتمہ ہے۔ مسلمان کبھی دشمن کی تعداد یا ہتھیاروں سے معیوب نہیں ہوتا۔ ایمان، تقوی اور جہاد فی سبیلِ اللہ کی بنیاد پر اللہ کا گروہ ہی ہمیشہ غالب رہے گا۔جنرل عاصم منیر کا مزید کہنا تھا کہ کشمیر میں انٹرنیٹ کی سہولیات کو بہتر بنائیں گے اور آئی ٹی سیکٹر میں یوتھ کے لیے روزگار پیدا کریں گے۔ کشمیری معززین نے اس موقع پر اپنے تاثرات دیتے ہوئے کہا کہ پاک فوج نہ ہوتی تو ہمارا حال فلسطین سے بھی بدتر ہوتا۔ پاک فوج اور کشمیری عوام کا رشتہ اٹوٹ ہے۔حاضرین نے کہا کہ آپ کے کشمیر آنے سے آر پار کشمیریوں کے حوصلے بلند ہوئے۔ ہمارے دل پاکستان کے ساتھ دھڑکتے ہیں۔ جموں و کشمیر کے عوام پاکستان کے ساتھ جڑے ہیں اور جڑے رہیں گے۔ پاکستان سے بڑھ کر کشمیر کا کوئی ترجمان نہیں ہو سکتا۔قبل مظفر آباد پہنچنے پر آرمی چیف جنرل سید عاصم منیر کا استقبال کور کمانڈر راولپنڈی نے کیا
امریکہ میں غیر قانونی بھارتی تارکین وطن کی ملک بدری کا عمل شروع
05/01/2025
واشنگٹن۔04فروری 2025۔ امریکہ میں غیر قانونی بھارتی تارکین وطن کی فوجی طیاروں کے زریعے ملکی بدری شروع ہوگئی ہے ۔جرمن نشریاتی ادارے ڈی ڈبلیو کی رپورٹ کے مطابق امریکی فوج کے سی-17 طیارہ سان انٹونیو سے امرتسر کے لئے روانہ ہوا۔کئی گھنٹوں کی اس پرواز میں سوار205لوگوں کے لئے صرف ایک ٹوائلٹ ہے۔ امریکا میں مقیم بھارتی غیر قانونی تارکین وطن کی تعداد تقریبا 7,25,000 ہے ۔بھارتی حکام نے ابھی تک اس بارے میں کوئی باضابطہ بیان جاری نہیں کیا ہے ۔ قبل بھارتی وزیر خارجہ ڈاکٹر ایس جے شنکر نے کہا تھا کہ بھارتی حکومت امریکا سمیت بیرون ملک مقیم غیر قانونی بھارتی شہریوں کی “قانونی واپسی کے لئے تیار ہے۔امریکی صدر ڈونلڈ ٹرمپ نے یہ بھی کہا تھا کہ تو وزیر اعظم نریندر مودی نے انہیں یقین دہانی کرائی ہے بھارت اپنے غیر قانونی طور پر امریکا میں مقیم شہریوں کی واپسی کے لئے “جو صحیح ہے وہ کرے گا۔بلومبرگ نیوز کی رپورٹ کے مطابق بھارت اور امریکا نے تقریبا 18,000 ایسے بھارتی تارکین وطن کی شناخت کی ہے، جو غیر قانونی طور پر امریکا میں داخل ہوئے تھے۔ امریکی وزیر خارجہ مارکو روبیونے دورہ امریکا کے دوران اپنے بھارتی ہم منصب جے شنکر کے ساتھ بھی “بے قاعدہ امیگریشن کا مسئلہ اٹھایا تھا،جس پر بھارتی وزیر خارجہ نے کہا تھا کہ بھارت غیر قانونی نقل مکانی کی حمایت نہیں کرتا ، اگر ہمارے شہریوں میں سے کوئی بھی غیر قانونی طور پر امریکا میں پایا جاتا ہے اور ہم ان کی شہریت کی تصدیق کرتے ہیں، تو ہم ان کی بھارت میں قانونی واپسی کے لیے تیار ہیں۔ایک بھارتی عہدیدار کا کہنا ہے کہ سی 17 طیارہ انڈیا کے لیے روانہ ہو چکا ہے، جس میں وہاں سے تعلق رکھنے والے تارکین سوار ہیں۔ تاہم وہ 24 گھنٹے سے قبل وہاں تک نہیں پہنچ پائے گا۔امریکہ کی وزارت دفاع پینٹاگان نے بھی ان پانچ ہزار سے زائد تارکین کو واپس بھجوانے کے لیے پروازوں کا سلسلہ شروع کر دیا ہے، جن کو ٹیکساس کے علاقے ایل پاسو اور کیلیفورنیا کے شہر سان ڈیگو سے حراست میں لیا گیا تھا۔اس وقت تک تارکین کو لے جانے والی پروازیں گوئٹے مالا، پیرو اور ہندوراس جا چکی ہیں۔ فوجی جہازوں کے ذریعے لوگوں کو ایک جگہ سے دوسری منتقل کرنا ایک مہنگا طریقہ کار ہے۔پچھلے ہفتے گوئٹے مالا جانے والی پرواز میں سفر کرنے والے فی تارک وطن پر چار ہزار چھ سو 75 ڈالر کا خرچہ آیا۔امریکا میں غیر دستاویزی تارکین وطن کی تعداد تقریبا 11 ملین (ایک کروڑ دس لاکھ) ہے، ٹرمپ نے اپنی انتخابی مہم کے دوران کہا تھا کہ جب وہ دوبارہ منتخب ہوں گے تو امریکی تاریخ میں ملک بدری کا سب سے بڑا آپریشن شروع کریں گے۔بھارتی میڈیا کا کہنا ہے کہ یہ ملک بدری ممکنہ طور پر متعدد منصوبہ بند پروازوں میں سے پہلی پرواز ہے، کیوں کہ آنے والے ہفتوں میں غیر قانونی ہندوستانی تارکین وطن کی مزید کھیپوں کی واپسی کی توقع ہے۔
ٓزاد کشمیر میں ملازمت کا جھانسہ دے کر رقم بٹورنے والے دو افراد راولاکوٹ میں گرفتار
05/01/2025
راولاکوٹ، پلندری ۔04فروری 2025۔ آزاد کشمیر میں ملازمت کا جھانسہ دے کر نوجوانوں سے پیسے بٹورنے والے گروہ کے دو ارکان کو روالاکوٹ پولیس نے گرفتار کر لیا ہے ۔ فیصل آباد کے محمد عارف اور محمد مجاہد کے خلاف تھانہ سٹی راولاکوٹ میں مقدمہ درج کر لیا گیا ہے ۔ حمیرا طارق کی رپورٹ کے مطابق ملازمت کا جھانسہ دے کر نوجوانوں سے فیس کی مد میں پیسے بٹورنے والے گروہ کے خلاف راولاکوٹ پولیس نے کامیاب کارروائی کی ہے ،جعلساز گروہ نے “آزاد کشمیر روزگار سپورٹس پروگرام” کے عنوان سے بھرتی کا اشتہار بھی اخبار میں شائع کرایا تھا۔ اشتہار 9 نومبر 2024 کو روزنامہ “اوصاف” میں شائع ہوا۔ ایک بڑے اخبار میں “آزاد کشمیر روزگار سپورٹس پروگرام” کے عنوان سے “آزاد کشمیر حکومت کے متوقع تعاون و اشتراک سے” جیسی سٹیٹمنٹ کے ساتھ یہ اشتہار آیا۔ جس پر ریاست کے ہزاروں نوجوانوں نے مختلف آسامیوں پر مبلغ 500 روپے فیس کے ساتھ درخواستیں جمع کرائیں15 دسمبر 2024 بروز اتوار کو ان آسامیوں پر راولپنڈی ، مظفرآباد ، راولاکوٹ اور میرپور میں تحریری ٹیسٹ کا انعقاد کیا گیا۔ اس ٹیسٹ کا مورخہ 31 دسمبر 2024 کو رزلٹ جاری ہونا تھا۔ جو کہ اس دن جاری نہ ہو سکا۔ اور تقریبا دس دن کی تاخیر کے بعد مورخہ 13جنوری 2025 کو جاری کیا گیا۔ جس میں کامیاب ہونے والے امیدواران سے میرٹ اسسمنٹ سرٹیفیکٹ کی مد میں مبلغ 400 روپے مزید رقم مانگی گئی۔ اور یہ سرٹیفیکٹ تاحال کسی امیدوار کو جاری نہیں کیا گیا۔ اس کے بعد امیدواران کو انٹرویو کے لئے بلایا گیا۔ ڈویژن پونچھ کے امیدواران سے مورخہ 2 فروری 2025 کو صابر شہید گورنمنٹ پائلٹ ہائی سکول راولاکوٹ میں انٹرویو لیا گیا۔ دوران انٹرویو اس غیر قانونی انٹرویو کی اطلاع ملنے پر ڈی آئی جی پولیس پونچھ ریجن سجاد حسین اور ایس ایس پی خرم اقبال کی ہدایات پر سٹی تھانہ راولاکوٹ نے کارروائی کرتے ہوئے دو ملزمان کو گرفتار کیا۔ گرفتار ملزمان کا تعلق فیصل آباد سے بتایا جا رہا ہے اور ان میں سے ایک کا نام محمد عارف اور دوسرے کا محمد مجاہد ہے۔ راولاکوٹ پولیس کی جانب سے مزید تحقیقات جاری ہیں۔
ضلع میرپور کا منصوبہ جو سرکاری خزانے کو ساڑھے تین ارب روپے کے بجائے گیارہ ارب میں پڑے گا
03/01/2025
میرپور۔02فروری 2025۔ ملکی خزانے کو میرپور گریٹروائر سپلائی اینڈ سیوریج سکیم منصوبہ ساڑھے تین ارب کے بجائے گیارہ ارب روپے میں پڑگیا۔ خرد برد اور کرپشن کے الزامات کی زد میں آنے والا اہم سرکاری منصوبہ 18 سال گزرنے کے بعد بھی مکمل نہ ہو سکا۔ تفصیلات کے مطابق پاکستان کے دوسرے بڑے آبی ذخیرے منگلا ڈیم توسیع منصوبے کے عوض وفاق سے ضلع میرپور کے عوام کو دیگر منصوبوں کی طرح گریٹرواٹر سپلائی اینڈ سیوریج سکیم کا ایک منصوبہ بھی دیا گیاتھا۔ ساڑھے تین ارب روپے کی لاگت کے اس منصوبے پر کام کا آغاز 2006 میں ہوا جسے 2 سال کے عرصے 2008 میں مکمل ہونا تھا۔ حکومت آزاد کشمیر کے محکمہ پی ایم یو نے اس اہم منصوبے کا ٹھیکہ لاہور کی ایک تعمیراتی کمیٹی نشان اینڈ انجینئر کو دیا۔ تعمیراتی فرم نشان اینڈ انجینئر مقررہ مدت کے اندر اس منصوبے کو پایہ تکمیل کو پہنچانے میں ناکام رہی جسکے بعد 2008 میں اسکے پی سی ون پر نظر ثانی کر کے اسکی لاگت ساڑھے تین ارب سے پڑھا کرتقریباً پانچ ارب روپے کی دی گئی اور اسکی مدت میں بھی 4 سال کی توسیع کر دی گئی جسکے مطابق اس منصوبے کو 2012 میں مکمل ہونا تھا۔ منصوبے کی لاگت اور مدت میں اضافے کے باوجود اُس وقت کی حکومت کے چندوزراء اور بیورو کریٹس کا لاڈلا ٹھیکیدار علی شان ایک دفعہ پھر اس منصبوبے کو مقررہ مدت میں مکمل کرنے میں ناکام رہا۔ اسی دوران اربوں روپے کے اس منصوبے میں کرپشن کی خبریں منظر عام پر آنا شروع ہو گئیں۔ جبکہ منصوبے پر کام کی رفتار انتہائی سست روی کا شکار ہوگئی اور مختلف حلقوں اور میڈیا کے اندر اسکے معیار پر بھی سوالات اٹھناشروع ہو گئے 2014 میں گریٹر واٹرسپلائی اینڈ سوریج سسٹم منصوبے کو ایک مرتبہ نظر ثانی کی چکی میں ڈالا گیا۔ اور اس پر آنے والی لاگت یعنی پانچ ارب کو بڑھا کر اسے 7 سات ارب کر دیا گیا۔ اور نئی مدت تکمیل 2 سال کی مذید اضافے کے ساتھ 2016 کر دی گئی۔ میرپور گریٹر واٹر سپلائی اینڈ سیوریج سکیم منصوبے کی پی سی ون میں دوسری ریوائزنگ کے بعد نشان اینڈ انجینئر کا مالک علی شان منصوبے سے جڑے اس وقت کے کرپٹ وزراء اور بیورو کریٹس کی ملی بھگت سے قومی خزانے کو اربوں روپے کا چونا لگا کر میرپور سے اپنا بوریا بستر گول کر کے لاہور بھاگ گیا۔ جسکے نتیجہ میں منصوبے پر کام ایک دفعہ پھر بند ہو گیا۔ منصوبے کی فائلوں کے مطابق تقریباًچھ ارب روپے کا کام ہو چکا تھا۔ اسی دوران محکمہ پی ایم یو نے کنٹریکٹر علی شان کو کام شروع کرنے کے لیے نوٹسزبھی جاری کیے۔کنٹریکٹر علی شان نے دوبارہ کام شروع کرنے کے بجائے عدالتوں کا رخ کر لیا۔ ڈسٹرکٹ کورٹ میرپور اور آزاد کشمیر ہائی کورٹ سے ٹھیکیدارکے خلاف فیصلے آئے۔ میرپور گریٹر واٹر سپلائی اینڈ سیوریج سکیم میں بڑے پیمانے پر کرپشن کے الزامات کے باعث حکومت آزاد کشمیر نے 2016 میں تھرڈپارٹی ویلی ڈیشن انکوائری کمیٹی قائم کی۔ جسکی انکوائری لاہور کی فرم ایم ایس ایسوسی ایکٹ کنسلٹنٹ نے کی۔ انکوائری کمیٹی نے ڈیڑھ ارب روپے کی کرپشن کی نشاندہی کرتے ہوئے اپنی رپورٹ حکومت آزاد کشمیر کو پیش کر دی۔ حکومت آزاد کشمیر نے اس رپورٹ کی روشنی میں ریفرنس تیار کر کے احتساب بیورو آزاد کشمیر میں دائر کر دیا۔دلچسپ بات یہ ہے کہ آزاد جموں کشمیر احتساب بیورو نے اس حکومتی ریفرنس پر جو تحقیقات کیں اس میں خرد برد کی رقم ڈیڑھ ارب سے کم ہو کر 60 کروڑ ہو گئی۔ احتساب بیورو نے اپنی انکوائری میں اس منصوبے میں 60 کروڑ کی کرپشن کی نشاندہی کرتے ہوئے اپنے وقت کے اس بدنام زمانہ سکینڈل میں 4 افراد پر فرد جرم عائد کی جن میں ٹھیکیدارعلی شان، ایکسین فرید احمد، ایس ڈی او مشتاق احمد اور ایک سب انجینئر تصدق الماس شامل تھے۔ 2006 میں ساڑھے تین ارب روپے کی لاگت سے شروع ہونے والا میرپور گریٹر واٹر سپلائی اینڈ سیوریج سکیم کی لاگت میں شیطان کی آنت کی طرح اضافے کا سلسلہ سات ارب تک پہنچ کر ختم نہیں ہوابلکہ اس منصوبے پر تیسری مرتبہ ہونے والی نظر ثانی کے بعد اسکی لاگت گیارہ ارب روپے تک پہنچ گئی ہے۔ اور یوں 2006 اور 2008 کے دوران کرپٹ وزراء اور بیوروکریسی کی کرپٹ ذہنیت کی بھینٹ چڑھنے والا ضلع میرپور کا یہ اہم منصوبہ بروقت مکمل ہونے کے باعث نہ صرف گذشتہ 18 سالوں سے کٹھائی میں پڑا ہوا ہے بلکہ ملکی خزانے کو اربوں روپے کا نقصان پہنچانے کا سبب بن چکا ہے۔
جماعت اسلامی پاکستان نے پیکا قانون کو مسترد کر دیا ہے
02/01/2025
لاہو ر۔01فروری 2025۔امیرجماعت اسلامی حافظ نعیم الرحمن نے پانچ فروری کو ملک بھر میں بھرپور طریقے سے یوم یکجہتی کشمیر منانے اور مہنگی بجلی اور آئی پی پیز معاہدوں کے خلاف احتجاجی تحریک کے نئے روڑ میپ دینے کا اعلان کیا ہے۔منصورہ میں پریس کانفرنس سے خطاب کرتے ہوئے انہوں نے کہا کہ وہ مظفرآباد آزاد کشمیر میں اتوار آج کو نکالی جانے والی بڑی کشمیر ریلی میں شرکت اور خطاب کریں گے جبکہ اس سے اگلے روز تین فروری کو جماعت اسلامی کی میزبانی میں اسلام آباد میں قومی کشمیر کانفرنس ہوگی۔ انہوں نے آٹھ فروری کو قومی انتخابات میں منظم دھاندلی کے خلاف احتجاج کا بھی اعلان کیا۔ سیکرٹری اطلاعات قیصر شریف اور ڈپٹی سیکرٹری جنرل شیخ عثمان فاروق بھی ان کے ہمراہ تھے۔ حافظ نعیم الرحمن نے31 جنوری کو مہنگی بجلی اور آئی پی پیز معاہدوں کے خلاف سیکڑوں شہروں میں ہونے والے مظاہروں پر جماعت اسلامی کی قیادت اور کارکنان کی تحسین کی اور شرکائ کا شکریہ ادا کیا۔ انہوں نے اس عزم کا اظہار کیا کہ آنے والے دنوں میں حق دو تحریک میں مزید تیزی لائی جائے گی۔ انہوں نے کہا کہ جماعت اسلامی پیکا قانون کو مسترد کرتی ہے اور صحافیوں کے ساتھ ہے۔ ان کا کہنا تھا پیکا ترمیمی قانون صرف اور صرف آزادی اظہار پر قدغن لگانے اور جمہوریت اور سیاسی مخالفین کا گلا گھونٹنے کے لیے ہے۔ امیرجماعت نے حکومت سے مطالبہ کیا کہ گندم کی امدادی قیمت کا اعلان کیا جائے۔ پنجاب حکومت کسان کارڈ اور ٹریکٹر سکیم جیسے نمائشی اقدامات کی بجائے گنے کے کاشتکاروں، چھوٹے کسانوں کو ریلیف اور زرعی ان پٹ پر سبسڈی دے۔پنجاب حکومت نے گزشتہ برس گندم خریداری کے موقع پر کسانوں سے دھوکہ کیا، اب کی بار کسانوں کے مطالبات کی روشنی گندم کی مناسب امدادی قیمت کا اعلان کرکے جنس کی خریداری کو یقینی بناےا جائے۔ امیر جماعت نے کہا کہ حکومت کے مہنگائی کم کرنے کے دعوے مکمل جھوٹ ہیں۔ دالوں، چینی، پٹرولیم مصنوعات کی قیمتوں اور گیس، بجلی بلوں میں اضافہ ہورہا ہے، عوام پریشان ہیں اور ان کا کوئی پرسان حال نہیں البتہ اراکین پارلیمنٹ نے اپنی تنخواہوں میں کئی صد فیصد اضافہ کرلیا ہے اور اس حوالے سے ن لیگ، پی پی، پی ٹی آئی، ایم کیو ایم سمیت سب ایک ہوگئے ہیں۔ انہوں نے کہا کہ پارلیمنٹ میں بیٹھے وڈیروں، جاگیرداروں اور سرمایہ داروں کو کوئی کام نہیں ہوتا سوائے اس کے کہ یہ محض کہیں سے لکھے گئے فیصلوں کو پڑھ دیتے ہیں اور جمہورےت اور میڈیا مخالف نام نہاد قوانین بنانے میں مصروف ہیں۔ حافظ نعیم الرحمن نے کشمیریوں اور فلسطینیوں کی جدوجہد آزادی کو سلام پیش کیا اور کہا کہ جماعت اسلامی ان کے شانہ بشانہ ہے۔ انہوں نے حکومت کو خبردار کیا کہ وہ اسرائیل کو تسلیم کرنے کے کسی ممکنہ امریکی پریشر میں نہ آئے بصورت دیگر قوم حکمرانوں کو نشان عبرت بنادے گی، اسی طرح ٹرمپ کے مجوزہ ابراہم اکارڈ پر بھی کسی قسم کا دباؤقبول نہ کیا جائے۔ پاکستان کی ذمہ داری ہے کہ اہل فلسطین کی مدد اور غزہ کی تعمیر نو کے لیے ایکٹو کردار ادا کرے اور قطر کے قائم کردہ غزہ فنڈ میں بھی شریک ہو۔ انہوں نے اس امر پر افسوس کا اظہار کیا کہ حکمرانوں نے اہل کشمیر کو بھلا دیا ہے۔ اسلام آباد کی ذمہ داری ہے کہ کشمیریوں کے مقدمہ کو پوری دنیا میں لڑے۔ انہوں نے کہا کہ جنرل ر باجوہ کی جانب سے کشمیر پر سودے بازی کی گردش کرتی ہوئی باتوں پر دفتر خارجہ وضاحت کرے۔ کشمیر پاکستان کی نظریاتی، جغرافیائی اور معاشی شہ رگ ہے، جماعت اسلامی اور پوری پاکستانی قوم کشمیریوں کے ساتھ ہے۔ صحافیوں کے سوالات کا جواب دیتے ہوئے امیر جماعت نے کہا کہ سندھ کی یونیورسٹیوں میں بیوروکریٹ وائس چانسلرز کی تعیناتی کو مسترد کرتے ہیں اور اساتذہ کے احتجاج کی حمایت کرتے ہیں۔پی ٹی آئی نے فارم 47 کے حوالے سے موقف پر کمپرومائز کےا ۔پی ٹی آئی اور حکومت کے درمےان ڈائےلاگ پراسس کی حماےت کرتے ہےں ۔حکومت امن کے لےے افغانستان سے بھی مذاکرات کرے،کشمےرےوں کوحق خود ارادےت ملنے تک بھارت سے کسی قسم کی بات چےت ےا تعلقات کی حماےت نہےں کرےں گے۔
بلوچستان: سیکیورٹی فورسز کی کارروائیوں میں 23 دہشتگرد ہلاک، 18 اہلکار شہید
02/01/2025
راولپنڈی۔01فروری 2025بلوچستان کے ضلع قلات کے علاقے منگوچر میں سیکیورٹی فورسز نے یکم فروری کی رات کو کارروائی کرتے ہوئے 23 دہشت گردوں کو ہلاک کردیا، آپریشن کے دوران سیکیورٹی فورسز کے 18 اہلکار بھی شہید ہوگئے۔پاک فوج کے شعبہ تعلقات عامہ âآئی ایس پی آرá کے مطابق قلات کے علاقے منگوچر میں دہشت گردوں نے سڑک بلاک کرنے کی کوشش کی جس پر سیکیورٹی فورسز نے فوری آپریشن شروع کیا۔واقعے کی اطلاع ملنے پر سیکیورٹی فورسز اور قانون نافذ کرنے والے اداروں کو فوری طور پر متحرک کیا گیا، جنہوں نے دہشت گردوں کے مذموم عزائم کو کامیابی کے ساتھ ناکام بنا دیا اور مقامی آبادی کے تحفظ کو یقینی بناتے ہوئے 12 دہشت گردوں کو ہلاک کیا۔آئی ایس پی آر کے مطابق آپریشن کے دوران مٹی کے 18 بہادر بیٹوں نے بہادری سے لڑتے ہوئے لازوال قربانی دی اور شہادت کو گلے لگا لیا۔ترجمان پاک فوج نے بتایا کہ قلات کے علاقے منگوچر میں ہونے والی کارروائی کے تناظر میں ہرنائی میں کلیئرنس آپریشن کیا گیا جس میں مزید 11 دہشت گردوں کو ہلاک کیا گیا۔آئی ایس پی آر کے مطابق گھناؤنے اور بزدلانہ فعل کے مرتکب، سہولت کار، اس کی حوصلہ افزائی کرنے والوں کو انصاف کے کٹہرے میں لایا جائے گا، سیکیورٹی فورسز قوم کے شانہ بشانہ بلوچستان کے امن، استحکام کو سبوتاڑ کرنے کی کوششوں کو ناکام بنانے کے لیے پرعزم ہیں، ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔بیان میں مزید کہا گیا کہ دشمن کا مقصد بلوچستان کے معصوم عوام کو نقصان پہنچانا اور صوبے کے پر امن ماحول کو خراب کرنا تھا، جس میں وہ ناکام ہوئے۔یاد رہے کہ گزشتہ روز سیکیورٹی فورسز نے خیبرپختونخوا کے مختلف اضلاع میں کارروائیاں کرتے ہوئے 10 خارجی دہشت گردوں کو ہلاک کر دیا تھا۔آئی ایس پی آر کی جانب سے جاری بیان میں کہا گیا کہ خوارج کی موجودگی کی اطلاع پر سیکیورٹی فورسز نے ڈیرہ اسمٰعیل خان کے علاقے کلاچی میں انٹیلی جنس کی بنیاد پر آپریشن کیا، آپریشن کے دوران فورسز نے خوارج کے ٹھکانے پر مؤثر طریقے سے کارروائی کی گئی، جس کے نتیجے میں 4 خوارج مارے گئے۔ترجمان پاک فوج نے بتایا کہ شمالی وزیرستان کے علاقوں دتہ خیل، حسن خیل، غلام خان اور میر علی میں چار مختلف کارروائیوں میں سیکیورٹی فورسز اور خارجی دہشت گردوں کے درمیان فائرنگ کا تبادلہ ہوا، جس کے نتیجے میں 6 خوارج کو ہلاک کر دیا گیا۔خیال رہے کہ دو روز قبل سیکیورٹی فورسز نے 29 اور 30 جنوری کی درمیانی شب شمالی وزیرستان کے ضلع میر علی میں خوارج کی موجودگی کی اطلاع پر آپریشن کیا تھا۔آپریشن کے دوران پاک فوج کے جوانوں نے خوارج کے مقام پر مؤثر طریقے سے کارروائی کی جس دوران 6 خوارج ہلاک ہوگئے، آئی ایس پی آر کے مطابق آپریشن کے دوران فائرنگ کے تبادلے میں میجر حمزہ اسرار اور سپاہی محمد نعیم شہید ہوگئے۔صدر مملکت آصف علی زرداری اور وزیراعظم شہباز شریف نے دہشت گرد حملے کی مذمت کی اور خوارج کے خلاف بروقت کارروائی کرتے ہوئے جامِ شہادت نوش کرنے پر شہدا کو خراج عقیدت پیش کیا۔صدر پاکستان نے سیکیورٹی اہلکاروں کی بہادری کو سراہا اور شہدا کے لیے بلندی درجات، اہل خانہ کے لیے صبر جمیل کی دعا کرتے ہوئے کہا کہ پاکستانی عوام ملک کا امن خراب کرنے والے عناصر کو مسترد کرتے ہیں۔آصف علی زرداری نے کہا کہ دہشت گرد عناصر بلوچستان کا امن خراب کرنا چاہتے ہیں، ملک دشمن عناصر کی سرکوبی کی خاطر سیکیورٹی فورسز کی کاروائیاں جاری رہیں گی، پوری قوم دہشتگردی کے خلاف جنگ میں اپنی سیکیورٹی فورسز کے ساتھ ہے۔وزیراعظم شہباز شریف نے کہا کہ پوری قوم دہشت گردوں کے ناپاک عزائم کو ناکام بنانے اور وطن عزیز کے تحفظ کے لیے اپنی جان کی قربانی دینے والے جوانوں کو خراج عقیدت پیش کرتی ہے۔ان کا مزید کہنا تھا کہ دہشتگرد بلوچستان کے امن و ترقی کے دشمن ہیں، دہشت گردی کی عفریت کے ملک سے مکمل خاتمے تک اس کے خلاف جنگ جاری رکھیں گے جب کہ پوری قوم دھشتگردی کے خلاف جنگ میں اپنی بہادر افواج کے شانہ بشانہ کھڑی ہے۔
انسانی سمگلروں کے خلاف کریک ڈائون کا فیصلہ، حکمت عملی تیار
01/01/2025
لاہور۔01 فروری 2025۔وفاقی وزیر داخلہ محسن نقوی نے کہا ہے کہ شہریوں کو غیر قانونی طور پر بیرون ملک بھیجنے والے ایجنٹ مافیا کے خلاف حکمت عملی تیار کرلی گئی ہے اور بہت جلد ان کے خلاف سخت کریک ڈاؤن ہونے والا ہے۔لاہور کے نادرا سینٹر میں پاسپورٹ آفس کے افتتاح کے بعد میڈیا سے گفتگو کرتے ہوئے محسن نقوی کا کہنا تھا شملہ پہاڑی پر نادرا آفس میں آج سے کچھ ماہ قبل تک بہت رش تھا، لیکن اب وہاں معاملات بہت بہتر ہوگئے ہیں، تاہم یہ والا سینٹر مثالی اور ماڈل ہے، یہاں جتنے منظم طریقے سے کام ہوتا ہے، میری خواہش ہے نادرا کے باقی مراکز میں بھی ایسا ہی کام ہو۔انہوں نے اس عزم کا بھی اعادہ کیا کہ نادرا کے مراکز کو منظم بنانے کی کوشش کریں گے۔ان کا مزید کہنا تھا کہ نادرا سینٹرز اور پاسپورٹ آفس مل کر عوام کو ریلیف فراہم کر رہے ہیں۔وفاقی وزیر نے پاسپورٹ اتھارٹی کے قیام کے حوالے سے بات کرتے ہوئے کہا کہ ’بروقت پاسپورٹ کی ترسیل کا نظام بہتر کرنے کا واحد حل پاسپورٹ اتھارٹی کا قیام ہے، جس پر وزیر اعظم سے بات بھی کرلی ہے۔‘انہوں نے یہ دعویٰ بھی کیا کہ اب پاسپورٹ دفاتر یا نادرا کے کام میں کسی بھی قسم کی کوئی تاخیر نہیں ہو رہی۔کسٹم اور ایف آئی اے کی جانب سے تنگ کرنے اور ایجنٹ مافیا کے حوالے سے ایک سوال کے جواب میں ان کا کہنا تھا کہ کچھ عرصے بعد ایف آئی اے میں بہت بڑی تبدیلی لانے والے ہیں۔کشتی حادثات کا حوالہ دیتے ہوئے محسن نقوی نے کہا کہ ’امیگریشن کاؤنٹرز پر ہمیں سختی کرنی پڑ رہی ہے، کیونکہ کچھ لوگ غیر قانونی طریقوں سے کشتیوں کے ذریعے یورپ اور دیگر براعظموں میں جانے کی کوشش کرتے ہیں۔ ’تاہم انہوں نے جائز طریقے سے دوسرے ممالک کا سفر کرنے والوں کی پریشانیوں کا ذکر کرتے ہوئے کہا کہ ’مجھے لوگوں کے مسائل کا احساس ہے اور ہم نہیں چاہتے کہ جائز طریقے سے جانے والوں کو کسی قسم کی مشکلات کا سامنا کرنا پڑے۔‘ان کا کہنا تھا کہ گجرات اور فیصل آباد ڈویڑن سے سب سے زیادہ لوگ غیر قانونی طور پر سفر کی کوشش کر رہے ہیں، اسی ضمن میں ایف آئی اے میں بھی نمایاں تبدیلیاں ہونے والی ہیں۔وفاقی وزیر داخلہ کا کہنا تھا کہ جب پاکستانی قانونی طور پر بیرون ملک جاتے ہیں تو ہمیں خوشی ہوتی ہے، لیکن غیر قانونی طور پر جانے والوں اور ملک کی بدنامی کا سبب بننے والوں کے خلاف سخت کارروائی کی جائے گی۔ان کا مزید کہنا تھا کہ ’اس بات کا دعویٰ نہیں کر سکتا کہ ایجنٹ مافیا کا سرے سے خاتمہ ہوجائے گا، تاہم حکمت عملی تیار کرلی گئی ہے اور بہت جلد ان کے خلاف سخت کریک ڈاو?ن ہونے والا ہے۔‘حالیہ دورہئ امریکا پر بات کرتے ہوئے محسن نقوی نے کہا کہ ’بہت جلد اس کے اچھے اثرات سامنے آئیں گے۔‘وفاقی وزیر نے بتایا کہ حکومت پاکستان کے امریکی حکومت کے ساتھ اچھے تعلقات ہیں، دورے پر ان کی امریکی کانگریس مین اور سینیٹرز سے بھی ملاقات ہوئی، جس کے نتائج مستقبل میں نظر آئیں گے۔لاہور میں چیمپئنز ٹرافی کے میچ کے دوران پاکستان تحریک انصاف âپی ٹی آئیá کی احتجاج کی کال پر بات کرتے ہوئے انہوں نے کہا کہ پہلے کی طرح ہم ان سے درخواست کریں گے کہ ایسا نہ کریں، بصورت دیگر وہ معنی خیز ’ورنہ‘ کہہ کر مسکرا دیئے۔
ارشد شریف قتل کیس، جوڈیشل کمیشن بنانے کی درخواست سماعتکیلئے مقرر
31/01/2025
اسلام آباد۔30جنوری 2025۔ارشد شریف قتل کیس میں جودیشل کمیشن بنانے کی درخواست ہائی کورٹ نے سماعت کے لیے مقرر کرلی۔ سینئر صحافی ارشد شریف کے قتل کی تحقیقات کے لیے جوڈیشل کمیشن بنانے کی درخواست اسلام آباد ہائی کورٹ نے 4 فروری کو سماعت کے لیے مقرر کردی، جس کی سماعت چیف جسٹس عامر فاروق کریں گے ۔سینئر صحافی ارشد شریف کے کینیا میں قتل کی تحقیقات کے لیے جوڈیشل کمیشن بنانے کی درخواست اسلام آباد ہائی کورٹ میں زیر سماعت ہے، جس میں درخواست گزار نے ارشد شریف کے قتل کی تحقیقات کے لیے جوڈیشل کمیشن قائم کرنے کی استدعا کر رکھی ہے۔ اس سے قبل 7 نومبر 2024 کی سماعت کازلسٹ سے منسوخ کر کے کیس کو نو سکوپ لسٹ میں شامل کیا گیا تھا۔چیف جسٹس عامر فاروق نے 27 اگست کو جوڈیشل کمیشن کی تشکیل کی درخواست پر فیصلہ محفوظ کیا تھا، تاہم اِسی نوعیت کی ایک اور درخواست دائر ہونے پر دونوں کیسز کو یکجا کر کے دوبارہ سماعت کے لیے مقرر کیا گیا تھا۔
سوشل میڈیا پرتوہین آمیز مواد پھیلانے پر 2 ملزمان کو سزائے موت سنادی گئی
31/01/2025
اسلام آباد۔30جنوری 2025۔ ایڈیشنل سیشن جج اسلام آباد محمد افضل مجوکہ نے سوشل میڈیا پر مذہبی تو ہین آمیز مواد پھیلانے پر 2 ملزمان کو ایف آئی آر میں درج مختلف دفعات کے تحت سزائے موت عمر قید دیگر دفعات میں مجموعی طور پر دس سال قید و سات لاکھ روپے جرمانے کی سزاکا حکم دیا ہے، عدم ادائیگی جرمانہ مجرموں کومزیدقید کاٹنا ہوگی ،ملزمان کے خلاف سوشل میڈیا پر توہین آمیز مواد پھیلانے پر ایف آئی اے سائبر کرائم ونگ اسلام آباد میں مقدمہ درج تھا،ملزمان ایاز بن طارق اور آفاق احمد کو دفعہ 295 سی میں سزائے موت اور پانچ لاکھ روپے جرمانہ کی سزا سنائی گئی دفعہ 295 بی میں عمر قید،دفعہ 298 اے میں تین سال قید اور ایک لاکھ روپے جرمانہ کی سزا سنائی گئی ،ملزم کو پیکا ایکٹ 2016 کی سیکشن 11 میں 7 سال قید اور ایک لاکھ روپے جرمانہ کی سزا سنائی گئی ملزمان کے خلاف 2021 میں ایف آئی اے سائبر کرائم سیل اسلام آباد نے مقدمہ درج کیا تھا
سوئیڈن، قرآن پاک کی بے حرمتی کرنے والے ملعون کی گولی لگی لاش گھر سے برآمد
31/01/2025
سٹاک ہوم۔30جنوری 2025۔سوئیڈن میں عراقی نژاد تارکین وطن سلوان صباح مومیکا کو اس کے اپارٹمنٹ میں گولیاں مار دی گئیں۔عالمی خبر رساں ادارے کے مطابق 38 سالہ سلوان صباح کی لاش اس کے گھر سے ملی۔ اسے اسپتال لے جایا گیا جہاں ڈاکٹرز نے مردہ قرار دیدیا۔پولیس کا کہنا ہے کہ واقعے کے حوالے سے معلومات جمع کر رہے ہیں۔ اب تک حملہ آوروں سے متعلق کوئی اطلاع نہیں ملی۔تاحال کسی بھی فرد یا تنظیم نے ملعون سلوان صباح کی موت کی ذمہ داری قبول نہیں کی ہے۔مقامی میڈیا کا کہنا ہے کہ گزشتہ ایک برس سے ایران اور عراق کی عسکری تنظیموں کی جانب سے دھمکیاں انھیں مل رہی ہیں۔یاد رہے کہ اس شخص نے 2023 میں سوئیڈن میں کئی مرتبہ قرآنِ کریم کی بے حرمتی کی تھی جس پر مقدمات کا سامنا بھی ہے۔یاد رہے کہ گزشتہ برس اپریل میں بھی ملعون کی موت کی خبر سامنے آئی تھی تاہم اس وقت حکومت نے تصدیق نہیں کی تھی۔سلوان مومیکا پر عراق میں دھوکا دہی کے متعدد کیسز ہیں جس پر وہ فرار ہوکر سوئیڈن پہنچا تھا۔عرق نے حکومتی سطح پر ملعون کی حوالگی کے لیے سوئیڈش حکومت کو باضابطہ درخواست بھی دی تھی۔
پیکا ایکٹ ترمیمی بل صدر کے دستخطوں کے بعد باقاعدہ قانون بن گیا
30/01/2025
اسلام آباد۔29جنوری 2025.صدر مملکت آصف علی زرداری نے الیکٹرانک کرائمز کی روک تھام(ترمیمی) بل 2025 (پیکا) کی توثیق کردی،ایوان صدر کی جانب سے جاری کردہ اعلامیہ کے مطابق صدر مملکت آصف علی زداری نے پیکا ایکٹ ترمیمی بل 2025 پر دستخط کر دیئے ہیں۔صدر مملکت کے دستخطوں کے بعد پیکا ایکٹ ترمیمی بل 2025 قانون بن گیا ہے۔واضح رہے کہ حکومت کی جانب سے ترمیمی بل کو پہلے قومی اسمبلی سے منظور کرایا گیا تھا اور گزشتہ روز ایوان بالا نے بھی ترمیمی بل کی منظوری دے دی تھی جس کے بعد صدر مملکت کے دستخط کے لئے ایوان صدر بھیجا گیا تھا۔اعلامیہ میں بتایا گیا کہ صدر مملکت نے ڈیجیٹل نیشن پاکستان بل 2025 اور نیشنل کمیشن آن دی اسٹیٹس آف ویمن (ترمیمی) بل 2025
کی بھی توثیق کر دی
اتحادی جماعتوں کی پارلیمانی پارٹی کا اجلاس، وزیراعظم پر غیر مشروط اعتماد کا اظہار
30/01/2025
مظفر آباد۔29جنوری 2025۔ وزیراعظم آزادحکومت ریاست جموں و کشمیر چوہدری انوارالحق کی زیر صدارت اتحادی جماعتوں کی پارلیمانی پارٹی کا اجلاس منعقد ہوا۔پارلیمانی پارٹی کے اجلاس میں پاکستان پیپلز پارٹی، مسلم لیگ ن اور فارورڈ بلاک کے 29 اراکین نے شرکت کی۔ اجلاس میں 29 اراکین نے وزیراعظم آزادکشمیر چوہدری انوارالحق پر غیرمشروط اعتماد کا اظہار کیا۔پارلیمانی پارٹی کے اجلاس میں 5 فروری یوم یکجہتی کشمیر کو بھرپور عزم کے ساتھ منانے کیلئے تیاریوں کی ہدایت کی ہے۔اس سلسلہ میں تمام ضلعی ہیڈکوارٹرز اور ریاستی دارالحکومت کو پنجاب اور خیبر پختونخواہ کے راستوں کو ملانے والے پلوں پر انسانی ہاتھوں کی زنجیر بنائی جائے گی۔اجلاس میں اس عزم اور یقین کا مکرر اظہار کیا گیا کہ تحریک آزادی کشمیرموجودہ حکومت کی اولین ترجیح ہے اور اس سلسلہ میں بیس کیمپ کی حکومت بنیادی کردار بحال کرنے کیلئے تمام وسائل بروئے کار لائے گی۔ اجلاس میں اس بات پر اتفاق کیا گیا کہ ریاست میں تعمیر و ترقی کے کام میں تیزی لائی جائے گی اور جاریہ ترقیاتی منصوبہ جات پر کام کی رفتار کو تیز کیا جائے گا جس سے ریاست کے تمام لوگ مستفید ہوں گے۔تمام ترقیاتی فنڈز کی برابری کی بنیاد پر تقسیم کو یقینی بنایا جائے گا۔نوجوان بچے بچیاں اور ہنر مند افراد، ریاست کے اندر اور مہاجرین مقیم پاکستان کے حلقہ جات میں ایک ارب روپے کے بلا سود قرضے دیئے جائیں گے تاکہ وہ اپنا کاروبار شروع کر سکیں۔ اجلاس میں پارلیمانی پارٹی نے بھارتی وزیر دفاع راج ناتھ سنگھ کے بیان کی شدید الفاظ میں مذمت کی ہے۔ اجلاس میں بھارت کی جانب سے ممکنہ چیلنجز سے نبرد آزما ہونے کیلئے جامع حکمت عملی مرتب کرنے کیلئے بھرپور عزم کا اظہار کیا۔پارلیمانی پارٹی کے اجلاس میں ماحولیات کو بہتر بنانے اور ریاست میں ماحولیاتی نظام کو جدید خطوط پر استوار کرنے اور آئندہ آنے والے چیلنجز سے نمپنٹے کیلئے ٹاسک فورس کے قیام کا فیصلہ کیا گیا۔اجلاس میں صحت کارڈ کے اجراء کیلئے جامع اور مفصل پالیسی مرتب کرنے کی ہدایت کی گئی تاکہ فوری طور پر صحت کارڈ کے اجراء کو یقینی بنایا جاسکے۔ اجلاس میں شیلٹر لیس سکولز اور شیلٹر لیس صحت کے Cost Effective انفراسٹرکچر کی تعمیرات کیلئے کابینہ کمیٹی کی تشکیل اور سفارشات مرتب کرنے کی ہدایت کی ہے۔علاوہ ازیں لوکل گورنمنٹ ایکٹ 1990 میں ترامیم کے حوالہ سے قائم کابینہ کی کمیٹی کو فوری طور پر سفارشات کابینہ میں پیش کرنے کی ہدایت کی گئی۔اجلاس میں پارلیمانی پارٹی نے بلدیاتی ادارہ جات کو ایک ارب روپے کی خطیر رقم کی اجرائیگی کا فیصلہ کیا گیا۔آمدہ موسم گرما میں محکمہ برقیات کے حوالے سے درپیش ممکنہ چیلنجز سے نمپٹنے کیلئے جامع حکمت عملی کی ہدایت کی ہے۔ پارلیمانی پارٹی کے اجلاس میں گفتگو کرتے ہوئے وزیراعظم آزاد کشمیر نے کہا کہ حکومت کی ترجیح تحریک آزادی کشمیر اور آزادکشمیر کے عوام کی فلاح کے لیے کے لیے اقدمات اٹھانا ہے۔ موجودہ حکومت نے رٹھوعہ ہریام، جا گراں پاور پروجیکٹس پر کام شروع کروایا۔ ای ٹینڈرنگ اور آکشن سے بچت کو فروغ دیا، ٹیکس نیٹ کو بڑھایا گیا ہے، سستا آٹا اور بجلی پر سبسڈی کے لیے اقدامات اٹھائے ہیں۔ موجودہ اتحادی حکومت نے بھارت کے انتشار پر مبنی پروپیگنڈہ کو شکست دے دی ہے۔ حکومت نے انفراسٹرکچر کی بہتری کے لیے اقدامات اٹھائے ہیں۔ اختیار مالک کی دین ہے، اختیار کو مالک کی امانت سمجھ کر استعمال کرتا رہوں گا۔
اسپیکر آزاد کشمیر قانون ساز اسمبلی چوہدری لطیف اکبر کے قافلے پر حملے میں ملوث 1ملزم گرفتار
28/01/2025
مظفرآباد۔28 جنوری 2025۔ اسپیکر آزاد کشمیر قانون ساز اسمبلی چوہدری لطیف اکبر کے قافلے پر حملے میں ملوث ایک ملزم کو گرفتار کرلیا گیا۔میڈیا رپورٹ کے مطابق ملزم زین میر کو ضمانت منسوخ ہونے پر گرفتار کیا گیا، جبکہ دیگر 5نامزد ملزمان نے عبوری ضمانت حاصل کررکھی ہے۔پولیس مزید گرفتاریوں کے لیے بھی متحرک ہے، جبکہ فرائض میں غفلت برتنے پر ایس ایچ او تھانہ سول سیکرٹریٹ زاہد عمر کو معطل کردیا گیا ہے۔ واضح رہے کہ آزاد کشمیر اسمبلی کے اسپیکر چوہدری لطیف اکبر کے قافلے پر اتوار کو مظفرآباد میں حملہ کیا گیا تھا جس کے نتیجے میں 2 افراد زخمی ہوگئے تھے۔ اسپیکر چوہدری لطیف اکبر پر حملے کا وزیراعظم پاکستان میاں شہباز شریف اور اسپیکرز فورم نے بھی نوٹس لیا تھا۔ اسپیکر قومی اسمبلی سردار ایاز صادق کی ہدایت پر چیف سیکرٹری اور آئی جی آزاد جموں کشمیر کو خطوط ارسال کیے گئے تھے۔ خطوط میں اسپیکر قومی اسمبلی، چیئرمین سینٹ، چاروں صوبائی اسمبلیوں اور گلگت بلتستان اسمبلی کے اسپیکرز کی جانب سے چوہدری لطیف اکبر پر قاتلانہ حملے کی شدید الفاظ میں مذمت کی گئی۔ خطوط کے متن میں کہا گیا کہ اسپیکر آزاد کشمیر قانون ساز اسمبلی پر قاتلانہ حملہ جمہوری اقدار کے منافی ہے اور قابل مذمت ہے۔ خطوط میں چیف سیکریٹری اور آئی جی آزاد کشمیر کو واقعے کی شفاف تحقیقات کا حکم دیا گیا تھا۔ خطوط میں ہدایت کی گئی تھی کہ واقعہ پر شفاف تحقیقات کرکے 3 روز کے اندر مکمل رپورٹ پیش کی جائے۔
سعودی شہزادہ محمد بن فہد بن عبد العزیز آل سعود انتقال کرگئے
28/01/2025
ریاض۔28جنوری 2025۔ سعودی شہزادہ محمد بن فہد بن عبد العزیز آل سعود انتقال کرگئے۔ سعودی پریس ایجنسی کے مطابق ایوان شاہی کی جانب سے جاری اعلامیے میں بتایا گیا کہ شہزادہ محمد بن فہد بن عبد العزیز آل سعود انتقال کرگئے ہیں۔ایوان شاہی کے اعلامیے میں کہا گیا کہ شہزادہ محمد بن فہد بن عبد العزیز آل سعود کی نماز جنازہ آج (بروز بدھ) ریاض کی جامع مسجد امام ترکی بن عبد اللہ میں عصر کی نماز کے بعد ادا کی جائیگی۔ ایوان شاہی نے متوفی کے لیے رحمت و مغفرت اور بلندی درجات کی دعا کی ہے۔
نام نہاد بھارتی یوم جمہوریہ پر کشمیریوں کا یوم سیاہ اور بھارت کے خلاف احتجاج
27/01/2025
سری نگر، مظفر آباد۔26 جنوری 2025۔ کنٹرول لائن کے دونوں جانب اور دنیا بھر میں مقیم کشمیریوں نے اتوار کو نام نہاد بھارتی یوم جمہوریہ پر یوم سیاہ منایا۔ اس موقع پر بھارت مخالف جلسے جلوس اور مظاہرے کیے گئے بھارتی جمہوریہ کو یوم سیاہ کے طور پر منا نے کا مقصد اقوام متحدہ کے تسلیم شدہ حق خود ارادیت سے نئی دہلی کے مسلسل انکار کو اجاگر کرنا ہے ۔ کل جماعتی حریت کانفرنس اور دیگر آزادی پسندتنظیموں نے اس دن کے موقع پر احتجاجی مظاہروں اورریلیوں کی کال دی تھی مقبوضہ جموں و کشمیر میں مکمل ہڑتال کی جا رہی ہے جبکہ آزاد جموں و کشمیر، پاکستان اور دنیا بھر کے بڑے شہروں میں بھارت مخالف ریلیاں نکالی جا رہی ہیں۔ان مظاہروں کا مقصد عالمی برادری کو یہ پیغام دینا ہے کہ کشمیریوں کے بنیادی حقوق کا غاصب ہونے کے ناطے بھارت متنازعہ علاقے میں اپنا یوم جمہوریہ منانے کا اخلاقی اور قانونی جواز نہیں رکھتا۔ مقبوضة جموں وکشمیرمیں یوم جمہوریہ منانے کے لئے قابض حکام نے نام نہاد حفاظتی اقدامات کے نام پر سخت پابندیاں عائد کر کے اور بھارتی فوجیوں اور پولیس اہلکاروں کو بھاری تعدادمیں تعینات کر کے پوری وادی کشمیر اور جموں خطے کو فوجی چھاؤنیوں میں تبدیل کر دیا ہے۔سرینگر اور جموں کے شہر قلعوں کا منظر پیش کررہے ہیں۔26جنوری کی تقریبات خاص طور پر سرینگر کے علاقے سونہ وار میں کرکٹ اسٹیڈیم اور جموں میں مولانا آزاد اسٹیڈیم جو بھارتی یوم جمہوریہ کی سرکاری تقریبات کے مرکزی مقامات ہیں، کے ارد گرد فوجیوں کو بھاری تعداد میں تعینات کیا گیا ہے ۔ا سٹیڈیموں کی طرف جانے والی سڑکوں کو خاردار تاروں اور دیگررکاوٹوں سے بند کر دیا گیا ہے۔ اونچی عمارتوں پر ماہر نشانہ باز تعینات کئے گئے ہیں جبکہ فورسز کے اہلکار لوگوں کی نقل و حرکت پر نظر رکھنے کے لیے ڈرونز اور سی سی ٹی وی کیمروں کا استعمال کررہے ہیں۔لوگوں کو بھارت مخالف مظاہروں سے روکنے کے لیے مختلف علاقوں میں نئے بنکرز اور چوکیاں قائم کی گئی ہیں۔ بھارتی فورسز کے اہلکار مقبوضہ علاقے میں گاڑیوں، مسافروں اورپیدل چلنے والوں کی اچانک تلاشی لے رہے ہیں۔ نام نہاد یوم جمہوریہ کی تقریبات میں شرکت کے لئے سرکاری ملازمین اوراسکولوں کے اساتذہ اورطلبا کی حاضری کو لازمی قراردیا گیا ہے۔
اسرائیل کو 2 ہزار پاؤنڈ وزنی امریکی بموں کی فراہمی پر عائد پابندی ختم
27/01/2025
واشنگٹن۔26جنوری 2025امریکی صدر ڈونلڈ ٹرمپ نے امریکی فوج کو ہدایت کی ہے کہ وہ سابق صدر جو بائیڈن کی جانب سے اسرائیل کو 2 ہزار پاؤنڈ وزنی بموں کی فراہمی پر عائد پابندی ختم کردے۔ ٹرمپ نے ایئر فورس ون میں صحافیوں کو بتایا کہ ہم نے انہیں دے دیا، ہم نے انہیں آج دے دیا، اور وہ انہیں حاصل کریں گے،انہوں نے ان کے لیے ادائیگی کی اور وہ طویل عرصے سے ان کا انتظار کر رہے ہیں، وہ اسٹوریج میں ہیں۔بائیڈن نے ان بموں کی فراہمی پر پابندی لگا دی تھی کیونکہ فلسطینی علاقے میں اسرائیل کی جنگ کے دوران شہری آبادی بالخصوص غزہ کے علاقے رفح میں ان کے اثرات پر انہیں تشویش تھی، جب ان سے پوچھا گیا کہ انہوں نے طاقت ور بم کیوں فراہم کیے تو ٹرمپ نے جواب دیا کہ کیونکہ انہوں نے انہیں خریدا تھا۔اس سے قبل ہفتے کو صدر ٹرمپ نے سماجی رابطے کی ویب سائٹ ٹوئٹر پر اپنے پیغام میں کہا تھا کہ بہت سی ایسی چیزیں جن کا اسرائیل نے آرڈر دیا تھا اور جن کی فراہمی بائیڈن نے نہیں کی تھی، اب وہ اپنے راستے پر ہیں۔ٹرمپ اور بائیڈن امریکا کے اتحادی اسرائیل کے مضبوط حامی رہے ہیں، یہاں تک کہ واشنگٹن کو حماس کے خلاف اسرائیل کے فوجی حملے سے غزہ میں انسانی بحران پر انسانی حقوق کے حامیوں کی جانب سے تنقید کا سامنا ہے، مظاہرین نے اسلحے پر پابندی کا مطالبہ کیا ہے۔غزہ میں ایک ہفتے قبل جنگ بندی کا اطلاق ہوا تھا جس کے نتیجے میں حماس نے اسرائیل کے زیر حراست فلسطینی قیدیوں کے بدلے غزہ میں قید کچھ اسرائیلی یرغمالیوں کو رہا کر دیا تھا۔20 جنوری کو اپنے عہدے کا حلف اٹھانے سے قبل ٹرمپ نے خبردار کیا تھا کہ اگر غزہ میں حماس کے ہاتھوں یرغمال بنائے گئے یرغمالیوں کو رہا نہیں کیا گیا تو اس کی قیمت چکانی پڑے گی۔حماس نے 7 اکتوبر 2023 کو اسرائیل پر حملے کے دوران تقریبا 250 افراد کو یرغمال بنایا تھا جبکہ تقریبا 1200 افراد ہلاک ہوئے تھے۔غزہ کی وزارت صحت کے مطابق غزہ پر اسرائیل کے فوجی حملوں میں 47 ہزار سے زائد افراد شہید ہو چکے ہیں اور اسرائیل پر نسل کشی اور جنگی جرائم کے الزامات عائد کیے گئے ہیں، اس نے غزہ کی تقریبا پوری آبادی کو بھی بے گھر کر دیا اور بھوک کا بحران پیدا کر دیا۔]
سیکیورٹی فورسز کی ضلع خیبر کے علاقے باغ میں کارروائی، رنگ لیڈر عزیزالرحمن سمیت 4 دہشت گرد ہلاک
26/01/2025
راولپنڈی ۔25جنوری 2025۔ضلع خیبر کے علاقے باغ میں سیکیورٹی فورسز کی کارروائی میں 4 دہشت گردہلاک ہوگئے، جبکہ 2 زخمی ہوئے ہیں۔مارے گئے دہشت گردوں میں رنگ لیڈر عزیر الرحمن عرف قاری اسمعیل بھی شامل ہے۔پاک فوج کے شعبہ تعلقات عامہ (آئی ایس پی آر) کے مطابق ضلع خیبر کے علاقے باغ میں سیکورٹی فورسز نے دہشت گردوں کی موجودگی کی خفیہ اطلاع پر کارروائی کی۔ہلاک دہشت گردوں میں رنگ لیڈر عزیزالرحمن عرف قاری اسماعیل بھی شامل ہے جبکہ رنگ لیڈر مخلص بھی سیکورٹی فورسز سے مقابلے میں مارا گیا۔آئی ایس پی آر کے مطابق ہلاک دہشت گردوں کے قبضے سے اسلحہ اور گولہ بارود بھی برآمد ہوا، ہلاک دہشت گرد سکیورٹی فورسز کے خلاف دہشت گردی کی کارروائیوں اور شہریوں کے قتل میں بھی ملوث تھے۔ترجمان پاک فوج کا کہنا ہے کہ سکیورٹی فورسز پاکستان سے دہشت گردی کی لعنت کے خاتمے کے لیے پرعزم ہیں۔علاوہ ازیں صدر پاکستان آصف علی زرداری اور وزیر اعظم میاں محمد شہباز شریف نے اپنے الگ الگ بیانات میں ضلع خیبر میں کاروائی کے دوران 4 دہشت گردوں کو ہلاک کرنے پر سکیورٹی فورسز کو خراج تحسین پیش کیا ہے۔ انہوں نے کامیاب آپریشن کے دوران 4 دہشت گردوں کی سرغنہ سمیت ہلاکت پر سکیورٹی فورسز کی بہادری کو سراہا۔انہوں نے کہاکہ سیکورٹی فورسز دہشت گردی کے عفریت کے خاتمے کے لیے کاروائیاں کر رہی ہیں، پوری قوم دہشت گردی کے خلاف متحد ہے۔صدر و وزیر اعظم نے اس امر کا اظہار کیا کہ دہشت گردی کے مکمل خاتمے تک کاروائیاں جاری رہیں گی۔
اسلام آباد میں ملک کی سب سے بڑی میراتھن ریس آج (اتوار کو) ہوگی
26/01/2025
اسلام آباد۔25 جنوری 2025وفاقی دارالحکومت اسلام آباد میں آج ( اتوارکو) ملک کی سب سے بڑی میراتھن ریس کا انعقاد کیا جارہا ہے۔تفصیلات کے مطابق، اس میراتھن ریس کا انعقاد مایہ ناز رننگ گروپ اسلام آباد رن ود اس کررہا ہے۔ ناز برادران بشمول قاسم ناز اور ہاشم ناز نے 2016 میں آئی-آر- یو کی بنیاد رکھی تھی۔یہ سیریز کی پانچویں میراتھن ریس ہوگی جس میں پاکستان اور دنیا بھر سے دوڑنے والے افراد حصہ لے رہے ہیں۔ یہ ایونٹ پاکستان میں میراتھن کے حوالے سے نئے معیار متعین کرے گا۔اتوار کو ہونے والی میراتھن میں ملک بھر سے 3000 سے زائد رنرز کی شرکت متوقع ہے، اس کے ساتھ سفارتی برادری کی ایک قابل ذکر تعداد بھی ریس میں شامل ہوگی۔یہ میراتھن بین الاقوامی رنرز کو بھی اپنی طرف متوجہ کررہی ہے، اس دلچسپ میراتھن میں یورپ اور امریکا سے بھی شرکا شامل ہورہے ہیں۔ میراتھن ریس میں 5، 10 کلومیٹر، فل اور ہاف میراتھن کیٹیگری مقابلے ہوں گے۔ چھوٹے بچوں میں فعال طرز زندگی کی حوصلہ افزائی کے لیے 12 سال سے کم عمر بچوں کے لیے بھی ریس کا اہتمام کیا جائے گا، ایونٹ کو دلچسپ اورناقابل فراموش بنانے کے لیے کھانے کے اسٹالز اور گیمز کی ایک وسیع رینج کا اہتمام بھی کیا جائے گا
پنجاب فوڈاتھارٹی نے فیصل آبادمیں بڑے پیمانے پر مردہ مرغیوں کی ترسیل ناکام بنادی
25/01/2025
فیصل آباد24 جنوری 2025پنجاب فوڈاتھارٹی نے فیصل آبادمیں بڑے پیمانے پر مردہ مرغیوں کی ترسیل ناکام بنادی۔ڈی جی فوڈ اتھارٹی کے حکم پر فوڈ سیفٹی ٹیموں نے جھنگ روڈ پر سپلائر گاڑی کی چیکنگ کے دوران ایک ہزار کلو مردہ مرغیاں تلف کراکر ڈرائیور کے خلاف مقدمہ درج کرادیا۔ترجمان کے مطابق چیکنگ کے دوران ایک گاڑی سے مردہ مرغیاں برآمد ہونے پر کارروائی عمل میں لائی گئی۔ مرغیوں کا گوشت تیار کر کے سپلائی کیا جانا تھا۔
صوابی: نامعلوم افراد کی فائرنگ سے پولیس گاڑی میں موجود 3 ملزمان جاں بحق
25/01/2025
صوابی24جنوری 2025خیبرپختونخوا کے ضلع صوابی تھانہ چھوٹا لاہور کے حدود میں نامعلوم افراد کی فائرنگ سے پولیس گاڑی میں موجود ملزمان 3 ملزمان جاں بحق ہوگئے۔عدالت سے واپسی پر نامعلوم ملزمان نے پولیس گاڑی پر فائرنگ شروع کردی جس کے نتیجے میں پولیس گاڑی میں موجود تین ملزمان جانبحق جبکہ ایک ملزم شدید زخمی ہو گیا۔ ریسکیو 1122 کی ایمرجنسی ٹیموں نے لاشوں اور زخمی کو فوری طور اسپتال منتقل کر دیا۔ پولیس نے علاقے میں سرچ آپریشن شروع کرکے ملزمان کی تالاش شروع کر دی۔
بھارت، آرڈیننس فیکٹری میں زوردار دھماکہ، 8 افراد ہلاک
25/01/2025
ممبئی۔24 جنوری 2025بھارتی ریاست مہاراشٹر میں ایک آرڈیننس فیکٹری میں زور دار دھماکہ ہوا جس کے نتیجے میں 8 افراد ہلاک ہوگئے جبکہ کئی دیگر ملبے تلے دبے ہوئے ہیں۔بھارتی میڈیا رپورٹس کے مطابق ریسکیو ٹیمیں فیکٹری کے ملبے تلے پھنسے مزدوروں کو بچانے کی بھرپور کوشش کر رہی ہیں جن میں اب تک 2 افراد کو زندہ نکال لیا گیا ہے۔ دھماکے کی اطلاع صبح 10:30 بجے کے قریب بتائی گئی جس کی وجہ تاحال معلوم نہیں ہوسکی۔رپورٹ کے مطابق دھمکا مہاراشٹر کے بھنڈارا ضلع میں ہوا، ابتدائی اطلاعات کے مطابق دھماکہ فیکٹری کے ایل ٹی پی سیکشن میں ہوا۔بھارتی میڈیا کے مطابق دھماکے کی آواز تقریبا 5 کلو میٹر دور تک سنی گئی۔وزیر اعلی دیویندر فڈنویس نے کہا کہ جس وقت دھماکہ ہوا اور عمارت کی چھت گری اس وقت 14 کارکن فیکٹری کی چھت پر موجود تھے۔ خوش قسمتی سے ریسکیو ٹیموں نے اب تک کم از کم دو افراد کو بچا لیا ہے۔ہتھیاروں کی ہینڈلنگ اور حفاظتی معیار کو یقینی بنانے میں بھارتی نااہلی ماضی کے مختلف واقعات سے ثابت ہو چکی ہے۔اس سے قبل اکتوبر 2024 میں بھی بھارتی ریاست مدھیہ پردیش میں واقع آرڈیننس فیکٹری میں خوفناک دھماکا ہوا تھا جس میں متعدد افراد ہلاک اور زخمی ہوئے تھے۔بھارتی فوج کی نااہلی اور غیر پیشہ ورانہ رویے کے باعث ایمونیشن اور ہتھیاروں کی جگہوں پر آئے روز حادثات رونما ہوتے رہتے ہیں
پاکستان تحریک انصاف کا حکومت کے ساتھ مذاکرات ختم کرنے کا اعلان
24/01/2025
راولپنڈی۔23 جنوری 2025۔پاکستان تحریک انصاف (پی ٹی آئی) نے حکومت سے مذاکرات ختم کرنے کا اعلان کردیا، چیئرمین پی ٹی آئی بیرسٹر گوہر نے اس بات کا اعلان کرتے ہوئے کہاہے کہ 3 ججز پر مشتمل کمیشن بننے کی صورت میں مذاکرات کیے جا سکتے ہیں۔ اڈیالہ جیل کے باہر میڈیا سے گفتگو کرتے ہوئے بیرسٹر گوہر خان نے کہا کہ بانی پی ٹی آئی نے آج جیل میں مذاکرات ختم کرنے کا اعلان کیا،عمران خان کا کہنا تھا کہ حکومت کو وقت دیا تھا کہ وہ جوڈیشل کمیشن بنائے لیکن انہوں نے ہمارے مطالبات پر کوئی پیش رفت نہیں دکھائی، لہذا آج کے بعد کوئی مذاکرات نہیں ہونگے۔انہوں نے کہاکہ عمران خان نے کمیشن کا اعلان نہ کرنے پر مذاکرات ختم کرنیکا کہہ دیا ہے، پی ٹی آئی کی مذاکرات کی خواہش مند تھی، حکومت کی طرف سے تعاون نہ کرنے پر مذاکرات ختم کیے۔چیئرمین پی ٹی آئی نے کہا کہ کمیشن کا اعلان نہ ہونے کی صورت میں مذاکرات آگے نہیں بڑھ سکتے، 3 ججز پر مشتمل کمیشن بننے کی صورت میں مذاکرات کیے جا سکتے ہیں۔انہوں نے کہا کہ پانی پی ٹی ائی کا کہنا ہے کہ ہم آئین اور قانون کے تحت اپنی کوشش جاری رکھیں گے، عمران خان کی ہدایت پر تمام اپوزیشن جماعتوں کے ساتھ مل کر جدوجہد کریں گے۔بیرسٹر گوہر نے کہا کہ پاکستان تحریک انصاف کو کسی بیرونی مدد کا انتظار نہیں، عمران خان اپنا مقدمہ پاکستانی عدالتوں میں ہی لڑیں گے اور پاکستانی عدالتوں سے ہی ریلیف لیکرباہرآئیں گے۔دوسری جانب حکومت کی مذاکراتی کمیٹی نے پی ٹی آئی کے مطالبات کا جواب دینے کے لیے ایک ذیلی کمیٹی تشکیل دی تھی اور مسلم لیگ ن کے سینیئر رہنما اور مذاکراتی کمیٹی کے اہم رکن عرفان صدیقی کا کہنا تھا کہ تحریک انصاف کو جواب دینے میں ایک ہفتے کا وقت بھی لگ سکتا ہے۔واضح رہے کہ گزشتہ روز اپوزیشن لیڈر قومی اسمبلی عمر ایوب نے اڈیالہ جیل کے باہر میڈیا سے گفتگو کرتے ہوئے کہا تھا کہ حکومت کے ساتھ مذاکرات کی چوتھی نشست سے قبل ضروری ہے کہ جوڈیشل کمیشن کا قیام عمل میں لایا جائے۔ ہماری مذاکراتی کمیٹی نے فیصلہ کیا ہے کہ اس سے قبل ہم چوتھے رانڈ میں شرکت نہیں کریں گے۔عمر ایوب کا کہنا تھا کہ عمران خان کی واضح ہدایات ہیں کہ اگر حکومت کی جانب سے جوڈیشل کمیشن نہیں بنایا جاتا تو بات چیت کا کوئی فائدہ ہی نہیں۔یاد رہے کہ پی ٹی آئی اور حکومت کے درمیان مذاکرات کے 3 دور ہوچکے ہیں، پہلی ملاقات 23 دسمبر 2024 کو ہوئی تھی جب کہ دوسری ملاقات 2 جنوری کو ہوئی تھی، 16 جنوری کو ہونے والی تیسری ملاقات میں تحریک انصاف نے حکومت کو اپنا چارٹر آف ڈیمانڈ پیش کیا تھا۔
تحریک انصاف کے مرکزی رہنما عمر ایوب خان کے وارنٹ گرفتاری جاری
24/01/2025
سرگودھا۔23 جنوری 2025 انسداد دہشت گردی کی خصوصی عدالت نے تحریک انصاف کے مرکزی رہنما عمر ایوب خان کے وارنٹ گرفتاری جاری کر دئیے ، پنجاب اسمبلی میں اپوزیشن لیڈر احمد خان بچھر، صنم جاوید، عالیہ حمزہ سمیت درجنوں کارکن عدالت میں پیش ہوئے، ملزمان پر فرد جرم عائد نہ ہو سکی ، 30 جنوری کو مقدمہ کی سماعت ہوگی سابق چیئرمین یونین کونسل سمیت 25 سے زائد کارکن جنہیں اشتہاری قرار دیا گیا تھا انہوں نے بھی عدالت کے سامنے سرنڈر کر دیا عدالت نے انہیں مچلکے جمع کرانے کا حکم دے دیا ،پولیس زرائع کے مطابق میانوالی میں 9 مئی کو ہنگامہ رائی اور توڑ پھوڑ کے مقدمات کی انسداد دہشت گردی سرگودھا کی خصوصی عدالت میں سماعت ہوئی، مسلسل تیسری مرتبہ عدالت میں تحریک انصاف کے رہنما عمر ایوب خان پیش نہ ہوئے جس پر عدالت نے ان کے وارنٹ گرفتاری جاری کر د یئے ہیں عمر ایوب خان کے وکیل ملک ساجد محمود کا کہنا ہے کہ عمر ایوب کے قابل ضمانت وارنٹ گرفتاری جاری ہوئے ہیں وہ آئندہ 30 جنوری کو عدالت میں پیش ہوں گے، مقدمے کی سماعت کے دوران پنجاب اسمبلی میں اپوزیشن لیڈر احمد خان بچھر ،صنم جاوید ، عالیہ حمزہ ، ایم این اے بلال اعجاز سمیت درجنوں کارکن عدالت میں پیش ہوئے تاہم عمر ایوب کی عدم حاضری کے باعث ملزمان پر فرد جرم عائد نہیں کی گئی ، تمام ملزمان کو 30 جنوری کو ائندہ پیش ہونے کا حکم دیا گیا ہے عدالت میں مقدمہ کی سماعت کے دوران سیکیورٹی کے سخت انتظامات کیے گئے تھے عمر ایوب خان کے وکیل کا کہنا ہے کہ سیاسی نوعیت کے مقدمات ہیں فرد جرم کی کوئی حیثیت نہیں ہوگی ملزمان پر نو مئی کو میانوالی میں حساس مقامات پر آگ لگانے اور توڑ پھوڑ کے الزامات ہیں ،مقدمہ کی سماعت کے دوران سابق چیئرمین یونین کونسل سمیت 25 سے زائد ملزمان کو عدالت نے عدم حاضری پر اشتہاری قرار دیا تھا عدالت میں پیش ہو جانے پر عدالت نے ملزمان کو مچلکے جمع کرانے کا حکم دیا،
پشاور ،صوبائی حکومت کا احتجاجی دھرنا دینے والے سرکاری ملازمین پر آنسو گیس شیلنگ ولاٹھی چارج،متعدد گرفتار
24/01/2025
پشاور۔23جنوری 2025۔ خیبر پختونخوا نے خیبر پختونخوا اسمبلی کے سامنے مصروف ترین خیبر روڈ کو بند کرکے احتجاجی دھرنا دینے والے سرکاری ملازمین کو منتشر کرنے کے لیے لاٹھی چارج اور آنسو گیس شیل استعمال کیا۔ آل گورنمنٹ ایمپلائز یونین کی کال خیبر پختونخوا کے مختلف محکموں کے سرکاری ملازمین بدھ کے روز سے سراپا احتجاج ہیں اور گزشتہ روز 5گھنٹے سے زیادہ تک خیبر روڈ کا بند کیے رکھا۔مظاہرین نے حکومت کے ساتھ مذاکرات نہ ہونے کے باعث احتجاج جاری رکھنے کا اعلان کیا ہے اور جمعرات کون پھر خیبر روڈ کو بند کرکے دھرنا دئیے بیٹھے ہیں۔ سرکاری ملازمین جمعرات کے روز بھی احتجاج جاری رکھا اور فردوس چوک سے اسمبلی تک ریلی نکالی اور روڈ کو بند کر دیا اور خیبر روڈ کو کئی گھنٹے تک بند کیے رکھا جس کی وجہ سے ٹریفک کا نظام شدید متاثر ہوا اور گاڑیوں کی لمبی قطاریں لگ گئیں۔روڈ کھلوانے کے لیے صوبائی حکومت نے سرکاری ملازمین کیخلاف طاقت کا استعمال شروع کیا اور پولیس نے احتجاجی ملازمین پر لاٹھی چارج کیا اور آنسو گیس کے شیل داغے اور ملازمین کو جی ٹی روڈ بالا حصار تک پیچھے دھکیل دیا۔لاٹھی چارج اور آنسو گیس شیلنگ سے ملازمین منتشر ہو گئے جبکہ پولیس نے کئی احتجاجی ملازمین کو گرفتار کرکے تھانے منتقل کردیا ہے۔ خیبر پختونخوا کے سرکاری ملازمین آل گورنمنٹ ایمپلائز یونین کی کال پر احتجاج کر رہے ہیں۔ ان کا مؤقف ہے کہ خیبر پختونخوا حکومت پنشن اصلاحات کے نام پر پینشن ختم کر دی ہے جو سرکاری ملازمین کے ساتھ زیادتی ہے۔ آل گورنمنٹ ایمپلائز یونین کے عہدیداران کے مطابق صوبائی حکومت پینشن اصلاحات کے نام پر ملازمین کیساتھ دھوکہ کر رہی ہے اور سرکاری نوکری میں ملازمین کے لیے پینشن ہی سب کچھ ہوتی ہے جسے ختم کرنا بڑی زیادتی ہے۔ مظاہرے میں بڑی تعداد میں ملازمین بڑے تعداد میں موجود تھے۔ احتجاجی ملازمین نے مؤقف اپنایا کہ حکومت ملازمین پر مزید ٹیکس لگانے پر کام کر رہی ہے۔ حکومت اور احتجاج کرنے والے سرکاری ملازمین کے درمیان مذاکرات بھی ہوئے لیکن اس کا کوئی نتیجہ نہیں نکل سکا۔ اس کے بعد مذاکرات ناکام ہونے پر ملازمین نے احتجاج جاری رکھنے اور تمام سرکاری اداروں اور محکموں کو بند کرنے کا اعلان کیا ہے۔ ملازمین کے مطابق حکومت پنشن اصلاحات پر بات کرنے کو تیار نہیں۔ پنشن اصلاحات پر پی ٹی آئی حکومت گزشتہ دور حکومت سے کام کر رہی ہے اور گزشتہ سال سے نئے آنے والے ملازمین پر لاگو کر دیا ہے جس کے تحت اب سرکاری ملازمین کو ماہانہ پنشن کی ادائیگی نہیں ہو گی بلکہ پنشن کے وقت یکمشت ادائیگی ہو گی۔ صوبائی حکومت کا مؤقف ہے کہ سرکاری ملازمین پینشن بجٹ پر بوجھ ہے اور خیبر پختونخوا پہلا صوبہ ہے جو پینشن اصلاحات متعارف کر رہی ہے۔ اس کے تحت ماہانہ ادائیگی ختم ہوجائے گی جبکہ یکمشت ادائیگی زیادہ ہو گی جبکہ دوران ملازمت گھر اور دیگر مدات میں بھی ملازمین کو مراعات دی جائیں گی۔
ترکیہ کے کثیر المنزلہ ہوٹل میں خوفناک آتشزدگی،66افراد ہلاک،51زخمی
22/01/2025
استنبول۔21 جنوری 2025۔ ترکہ کے ایک ہوٹل میں آگ لگنے سے66افراد ہلاک اور50سے زائد زخمی ہوچکے ہیں۔تفصیلات کے مطابق ترکی کے شمال مغربی حصے میں ایک سیاحتی مقام پر ایک کثیرالمنزلہ ہوٹل میں آگ لگنے کے سبب ہلاکتوں کی تعداد بڑھ کر 66تک پہنچ گئی ہے جبکہ50سے زائد افراد زخمی ہوچکے ہیں۔ قبل ازیں ہلاکتوں کی کم از کم تعداد 10 بتائی گئی تھی۔ترکی کے وزیر داخلہ علی یرلیکایا نے دارالحکومت انقرہ سے قریب 170کلومیٹر جنوب مغرب میں واقع شہر کارتلکایا میں صحافیوں سے گفتگو کرتے ہوئے کہاکہ ہمارا درد بہت بڑا ہے۔66شہری اپنی جان کھو چکے ہیں جبکہ 51سے زائد زخمی ہیں۔ ترک وزیر داخلہ علی یرلیکایا نے قبل ازیں ایکس پر لکھا تھا کہ ترکی کے شمال مغربی صوبے بولو میں لگنے والی آگ کے سبب 32 دیگر افراد زخمی بھی ہوئے ہیں۔ ترک خبر رساں ادارے انادولو کے مطابق یہ آگ کرتالکایا نامی شہر کے ایک ہوٹل میں گزشتہ شب بھڑکی تاہم اس کی وجہ ابھی تک معلوم نہیں ہے۔ مزید یہ کہ آگ لگنے کی اطلاع ملنے کے بعد آگ بجھانے والی درجنوں گاڑیاں اور ایمبولینس موقع پر پہنچ گئیں۔ کرتالکایا مقامی سیاحوں کے لیے ایک معروف اسکیئنگ مقام ہے۔مقامی میڈیا اور سوشل میڈیا پر موجود ویڈیوز میں دیکھا جا سکتا ہے کہ آگ کے شعلے اس ہوٹل کی اوپری منزلوں کو اپنی لپیٹ میں لیے ہوئے ہیں۔ فائر بریگیڈ اور ایمرجنسی ادارے آج منگل کی صبح تک اس آگ کو بجھانے کی کوششوں میں مصروف تھے۔ ترک ٹیلی وژن این ٹی وی کے مطابق لکڑی کے بنے فرش کی وجہ سے یہ آگ ہوٹل میں تیزی سے پھیلی۔ ویڈیوز میں لوگوں کو انتہائی پریشانی کے عالم میں بستر کی چادروں کو آپس میں باندھ کر ان کے ذریعے ہوٹل سے باہر نکلنے کی کوشش کرتے دیکھا جا سکتا ہے۔ ایک عینی شاہد نے ترک اخبار حریت کو بتایا کہ اس نے لوگوں کو کھڑکیوں سے باہر کودتے ہوئے بھی دیکھا۔رپورٹس کے مطابق اس ہوٹل میں 234افراد کے ٹھہرنے کی گنجائش تھی اور آتشزدگی کے وقت یہ مکمل طور پر بھرا ہوا تھا، کیونکہ ان دنوں ترکی میں اسکول کی چھٹیاں چل رہی ہیں ۔ خبر رساں ادارے روئٹرز نے رپورٹ کیا کہ کئی خوف زدہ مہمان، جو آگ میں پھنس گئے تھے، شعلوں سے بچنے کی مایوس کن کوشش میں کھڑکیوں سے چھلانگ لگانے پر مجبور ہوئے۔ فائر فائٹرز نے 4گھنٹے کی مشقت کے بعد آگ پر قابو پالیا۔ امدادی کاموں کے دوران 35سے زائد بری طرح جھلسے ہوئے افراد کو اسپتال منتقل کیا گیا۔ ریسکیو ادارے کے ترجمان نے بتایا زخمیوں کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔ زیادہ تر ہلاکتیں دم گھٹنے کے باعث ہوئیں۔تاحال آگ لگنے کی وجوہات کا تعین نہیں ہوسکا ہے۔ حکومت کی جانب سے واقعے کی تحقیقات کے لیے انکوائری کمیٹی تشکیل دیدی گئی۔
Leave a Reply